زبدةالاشعار

رحم ائله یارب ئوزون سینه سی سوزان بالاما #اصغریه_سیفی_اردبیلی

زبانحال رباب و طفل شش ماهه
در شب عاشورا

.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
رحم ائله یارب ئوزون سینه سی سوزان بالاما
عمریمون میوه ی شیرینی لب عطشان بالاما
.
کربلانون چولینه یار وروب خیمه ی عشق
منی پروانه ائدوب شمع شبستان بالاما
.
بارالها بیر اَلوؤدا ایکیمیزده یانوروق
او یانار ناله ائدر من دیرم جان بالاما
.
آلتی آی باغریما باسدیم بونی گوزدن قؤُرؤدوم
بد نظر ورمیا گوز تا که بو طرلان بالاما
.
ائتدی ئوز ظلمینی اما فلک تنگ نظر
باغلیوبدور سو یولین فرقه ی عدوان بالاما
.
قفس جاندا فشاره دوشوب اودلی نفسی
عالم فانی اولوب یکسره زندان بالاما
.
قوش کیمی برهم ائدوب دست جفا لانه سینی
تنگیدور تیره قفسدنده بو دوران بالاما
.
آلتی آیدان بیر اَین چکمدی آسوده نفس
غم رفیق اولدی بو یولّاردا هراسان بالاما
.
نه یازیمش گل اکوب گورمدیم الله ثمرین
نه مقرّردی که تقدیر ائدوب عنوان بالاما
.
گئجه نون نصفی کئچوبدور یوخی گلمور گوزینه
قویمیوب یاتماقا سوز عطش امکان بالاما
.
آلمشام سینمون اوسته سارالان سوسنیمی
باخارام یانّام الهى بو پریشان بالاما
.
نه گناهیله یانور دل دوداقی دیلسزیمون
سودان اوتری اود اولوب سینه ده حرمان بالاما
.
یاری جاندور الیم اوسته یاری جان ماهی کیمی
باخورام هی یانورام یوخ ولی درمان بالاما
.
باغلاماز کافر اولاندا سو یولین صود امره
بیر ایچیم وئرمدی سو قشرِ مسلمان بالاما
.
لاله تک دامنه ده داغ جگردن یانورام
دوزولوب دوره مه لابلای چالا طفلان بالاما
.
اوخشارام آرخام ائلیم یات ملمه باتدی سسون
خسته جانی دیرم سؤز باشی قربان بالاما
.
وار نه لایلای نه ده ایوای دئمگون بیر اثری
یارادوب سوز جگر غصّه لی طوفان بالاما
.
دلی یوخدور دیه یاندیم سو وئرون جان وئرورم
نه بو اشراریده وار رحم ائدن انسان بالاما
.
نیلیوم چاره نه یارب من ئوزومده سوسوزام
قالمیوب دوشده صودوم اممگه ویلان بالاما
.
یاپشور دوشلریمه لبلری اود تک یانورام
وئرمیور بهره ولی بو قوری پستان بالاما
.
چوبالور چاره تاپانمور دؤشومه دیرناق آتور
دوشلریمدنده چخور صود یرینه قان بالاما
.
یاتا بیلسه بو گئجه بلکه سحر حل اولّا ایش
سو مهیا ائده لر سینه سی شان شان بالاما
.
رحمه دشمن گله شاید آچا نهرون یولینی
بیری الّهه گوره ایلیه احسان بالاما
.
قورخورام صود امریم چخمیا اما سحره
یتشه دست اجل چاک گریبان بالاما
.
یا سووا گئتسه ئوزی قانه بلنمش قیده
قویمیا حرمت طفلانه نی دونان بالاما
.
اوخ وران اوچیسی چوخدور بو بلا عرصه سینون
قورخی وار هم اوخ آتانلاردان هم اوخدان بالاما
.
حرمله گورسه بو آهونی تئز اوخلار بیلورم
یوخدی وجدانی اونون رحم ائده جیران بالاما
.
نجه طاقت ائدرم خیمه ده های دوشسه سحر
اوخ دگوب دیلسیز الى باغلی لب عطشان بالاما
.
چوخ هراسیم وار الهی دل سوزانیمده
که سحر لایلایمی وای ائده پیکان بالاما
.
نجه سالّام باشیما اصغریمون قاره سینی
دوتا بیلّم نه سیاق شام غریبان بالاما
.
آی رباب ایله نظر «سیفیه ده» مشکلین آچ
دئنن ایللردی یازور نوحه فراوان بالاما
.
.
.
#اصغریه_سیفی_اردبیلی
#اصغریه_شهادت #شب_عاشورا
#رحم_ائله_یارب_ئوزون_سینه_سی_سوزان_بالاما
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بو آی نه آیدی نسیم رحمت اسور دمادم منای غمدن #ورود_محرم_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی