اگلشن یره بیر ایلوم علی شانه بو زلفون #اکبریه_زایر_تبریزی

وداع حضرت علی اکبر(ع)
زبانحال مادر
.
✍️ #زبدةالاشعار ✍️
.
🆔: @nohe_torki
.
مرحوم زایر عمو
.
اگلشن یره بیر ایلوم علی شانه بو زلفون
ایمدی باتاجاق چون که قزلقانه بو زلفون
.
.
بو حسن جمالون اولوب آفاقده مشهور
الحق پری وار سندن آلا شمس و قمر نور
بو عارض آلون بیله قویما اولا مستور
رخصت ویر اوغول باری چکوم یانه بو زلفون
.
.
پیغمبره حسرت او زمانیکه قالاردوخ
سندن على دنیاده اونون عطرین آلاردوخ
رخساریوه باخدیقجا اونی یاده سالاردوخ
حایل ندن اولموش رخ رخشانه بو زلفون
.
.
باخدیقجا بو شهلا گوزه ای تازه جوانیم
قلبیم یانار افلاکه چخار آه و فغانیم
گل قوی باشوی سینه مه ای روح روانیم
راحت ویره بلکه دل سوزانه بو زلفون
.
.
تعجیل ائدوسن سن تاپاسان فیض شهادت
منع ایتمرم اصلا سنی ای کان ملاحت
برپا اولور امّا آناوا اؤزگه قیامت
غلطیده ایده قانیوه بیگانه بو زلفون
.
.
باخدینجا گوزونده بو گوزوم طرز نگاهه
بو دودۀ آهیم اوجالور مهریله ماهه
وابسته دی بو مرغ دل اول زلف سیاهه
گلّم علی چکسه منی هر یانه بو زلفون
.
.
زلفون تلینه بسته دور آخر علی گوگلوم
باغلوب او سیه مویه علاقه بلی گوگلوم
دوشسه یره گر بیر تلی درده گلی گوگلوم
ایلر منی مجنون کیمی دیوانه بو زلفون
.
.
ای دشت وجاهتده بیر آهوی دل آرام
صیّاد شهادت سنی ایلوب اوزینه رام
سندن صورا حاشا دل لیلا اولا آرام
چون رشتۀ جاندور من نالانه بو زلفون
.
.
زائر بو حسین درگهیدی باب کرامت
محبوبدی بو درگه اعلاده صداقت
صدقیله یاز آغلا سنه ایلر بو کفایت
اگلشن یره بیر ایلوم على شانه بو زلفون
.
.
#اکبریه_زایر_تبریزی
#اکبریه_شهادت
#اگلشن_یره_بیر_ایلوم_علی_شانه_بو_زلفون
#ترکی
.
✍️ #زبدةالاشعار ✍️
.
🆔: @nohe_torki