خوش گلموسن خرابیه ای مهربان بابا #حضرت_رقیه_مجمر_تبریزی

زبانحال حضرت رقیه (س)
.
.
مرحوم مجمر تبریزی
.
.
خوش گلموسن خرابیه ای مهربان بابا
من بیکس و فلک زدیه میهمان بابا
.
مدتدی سالموسان منی گوزدن ندندی سن
باغریم اولوب خرابه ده چون لخته قان بابا
.
سن سالموسان یادیوه وار بیرقیزیم منیم
کنج خرابه ده ایلیوبدی مکان بابا
.
شمرین الیندن ای بابا وار چوخ شکایتیم
یتمزتمامه گرایلیم من بیان بابا
.
کسدی سنین باشین دالیدان چون او بیحیا
ووردی جدایه ایلدی زیب سنان بابا
.
ایتدی اسیر او دمده من زارو مضطری
ظلمیله اگدی قدیمی ایتدی کمان بابا
.
ووردی طناب بوینوما سویدی لباسیمی
شامه طرف جفائیله ایتدی روان بابا
.
یوخ حالتیم دانشماقا آغرورمنیم باشیم
یولاردا بسکه قمچی ووروب ساربان بابا
.
هربیرغمیمدن آرتوق اولوب بو مصیبتیم
چون یادیمه دوشر اولارحالیم یامان بابا
.
گه ناقه استه گاه پیاده ایاق یالین
گلدیم دیار شامه من ناتوان بابا
.
داخل اولاندا شامه تماشایه چیخدیلار
شام اهلی مین سروریله پیرو جوان بابا
.
بازارو کوچه لرده اسیرحبش کیمی
ویردی عبوربیزلری شمرو سنان بابا
.
بزم یزیده چکدیله چون اشقیا بیزی
گوردوم من ستم کش او دمده عیان بابا
.
مجلسده حاضرایلدی باشون یزید دون
ووردی بو قانلی لبلریوه خیزران بابا
.
قویما جزا گونینده قالا خوارو دیده تر
«مجمر» سنین غمونده اولوب نوحه خوان بابا
.
.
#حضرت_رقیه_شهادت #حضرت_رقیه #مجمر_تبریزی
#خوش_گلموسن_خرابیه_ای_مهربان_بابا
#ترکی
#زبدةالاشعار