زبانحال حضرت زینب (س) در فراق مادر
.
.
حاج حسین حسنی افشرد
.
.
وای قامت رعناسی خمیده آنام ایوای
دل داغلی گیدن قبره شهیده آنام ایوای
.
گزدوقجا بو ایوده ایدرم ناله و افغان
زینب دولانان یرلریوه کاش اولا قربان
.
.
گوز یاشیم اولوبدی یارالی سینه مه مرهم
قارداشیم حسین و حسن اولموش منه همدم
هر دورت بالان آغلور آنا ایمدی سنه باهم
من اوخشویورام صاحب عزا شیر خدادور
اعلام ایلیوبدور آتامیز ختم عزادور
.
.
سندن صورا غملی اوره گین داغلادی زینب
کلثومیله باهم اوتوروب آغلادی زینب
باشین داریوب قاره سینی باغلادی زینب
افسوس اولا اوز زلفی قالوب شانیه حسرت
کیمدور داخی چکسون باشیما دست محبت
.
.
غم محفلینون صاحب کاشانه سیَم من
شمع محنون عشقلی پروانه سیَم من
قارداشیم حسینون آنا دیوانه سیَم من
تاپشوردون امانت من زاره حسنینی
قویمام گوز ایویندن گیده بیر یانه حسینی
.
.
قارداشیم حسینون یوزی سولموش گوله بنذر
گلموش دیله کلثوم و حسن بلبله بنذر
زلفی انا بو زینبیوون سنبله بنذر
بو صحن گلستاندا عجب منظره لر وار
بلبل گوله گول بلبله باخدوقجا سیزیلدار
.
.
غم تیری یانان قلب ملوله ساچارام من
گاهی یریوب گاهی بو ایوده قاچارام من
گاهی یغارام بستریوی گه آچارام من
فکر عالمی گورّم که نمازه دایانورسان
گاهی چاغروب زلفلریمه شانه ورورسان
.
.
یالقوز اوتوروب ایوده سنون قیدیوه قالّام
غش ایلدیقون یردن آنا عطریوی آلّام
هر گون یره سجّاده وی مین شوقیله سالّام
بو فکریله فرش ایلیورم جای نمازون
گل وقت اذان اولدی ادا ایله نمازون
.
.
بیرده دیله گلسون آنا بلبل یازا قالدی
گلشنده آچا سوسن و سنبل یازا قالدی
هم صحبت اولا بلبلولن گول یازا قالدی
بیر کس آنا جان یوخدی منیم دردیمی بولسون
سندن صورا مشگل داخی زینب یوزی گولسون
.
.
بستان محنده سنه سولموش طاقیم آغلار
سولموش طاقیم اوسته سارالان یاپراقیم آغلار
ئولسمده مزاریمده سنه توپراقیم آغلار
قبریمده ده وردیم اولی ایوای آنام ایوای
سنسیز هامی گول تئز سولی ایوای آنام ایوای
.
.
بو یثرب و بطحانی گوروم بیر باغ اولیدی
غم گلشنینون غملی حصاری داغ اولیدی
سن رحلت ایدنده آنا جدّیم ساغ اولیدی
جدّیم اؤزی عزّتله سنه قبری قازیدی
معلوم ایلیوب قبریوی باش داشی یازیدی
.
.
سن شمع وفانی یل اسوب ایلدی خاموش
پروانه لرون سن سونَلی اولدی سیه پوش
سن اول آنا الله منی چوخ ایتمه فراموش
تئز تئز یوخوما گل غم و اندوهیم آزالسون
قویما قیزیوون قلبده بو حسرتی قالسون
.
.
بو فکریله زینب گوزیی خوابه اولی مایل
بلکه گوره رخسارون اولا غصّه سی زایل
رویاده ده وصلون منه بیر امردی مشکل
گل بیر یوخوما دیدۀ گریانیمه خاطر
قول بوینوما سال سینۀ سوزانیمه خاطر
.
.
بو حالیمه واردور یری قان آغلیا دشمن
گیزلیندی مزارون منه ئولم بو غموندن
قیرخوندا یتیشدی ندی چاره نه ایدیم من
قیرخون آنا بس هانسی مزار اوسته قوروم من
قیرخوندا گلوم بس هارا هاردا اوتوروم من
.
.
غصّه م آزالا بلکه بیر آز هر چه دولاندیم
دوشدی نظریم تا قاپویا جانه دایاندیم
وردیم آنا ذکریم آنا ایوای آنا یاندیم
بو غم حسنی گور نجه غمگین ایلیوبدور
قارداشیم حسین اشکینی رنگین ایلیوبدور
.
.
.
#فاطمیه_حسنی_تبریزی #فاطمیه_شهادت #ترکی #زبدةالاشعار
نظر دهید