توسل به حضرت زهرا(س)
.
✍️ #زبدةالاشعار✍️
.
🆔: @nohe_torki
.
مرحوم صحاف تبریزی
.
ایتدیم بو عزیز عمری گناهیله تباه
اولدوم من عجب روسیه و نامه سیاه
بیر واسطه حقه تاپمادیم اوزگه پناه
یا فاطمه اِشفعی لَنا عِندَالله
.
.
سنسن گل گلشن رسول الثقلین
ریحانه ی پیغمبر و أمّ الحسنین
بیچاره و مضطرم سنی جان حسین
یا فاطمه اِشفعی لَنا عِندَالله
.
.
محبوبه ی ذات خالق اکبرسن
مخدومه ی محض مریم و هاجر سن
دریای کرم شفیعی محشر سن
یا فاطمه اِشفعی لَنا عِندَالله
.
.
ناراحتم ایندی من اوز افعالیمدن
آگاه دگل کیمسه منیم حالیمدن
شرمندیم اوز نامه ی اعمالیمدن
یا فاطمه اِشفعی لَنا عِندَالله
.
.
پیغمبر رحمت قیزی سان کان عطا
محتاجیدی محشرده سنه شاه و گدا
کسمه نظر مرحمتون روز جزا
یا فاطمه اِشفعی لَنا عِندَالله
.
.
سن اون بیر امامون آناسی معدن جود
من عبد ذلیل و روسیه بیر موجود
مولاسنه عبد ائدنمز اظهار وجود
یا فاطمه اِشفعی لَنا عِندَالله
.
.
بیر بنده ی عاصیم خطا کارم أوزوم
دوندرماقا درگاه حقه یوخدی یوزوم
دنیاده و آخرتده وار سنده گوزوم
یا فاطمه اِشفعی لَنا عِندَالله
.
.
غرق گنهم یوخدور الیمده چاره
گوز یاشیم آخار سرعتیله رخساره
قویما منی محشرده قالوم آواره
یا فاطمه اِشفعی لَنا عِندَالله
.
.
دوشدوم ایله بو جهاندا درد و محنه
بیرکیمسه دن اولمادی خانم چاره منه
اولدوم من بیچاره پناهنده سنه
یا فاطمه اِشفعی لَنا عِندَالله
.
.
اصحاب کِسانی خالق عالمیان
جِبریله سنیله بیر به بیر ویردی نشان
اولسون او گوزل شأنوه جانیم قربان
یا فاطمه اِشفعی لَنا عِندَالله
.
.
ویرّم سنی من قسم شه بطحابه
نعلینی اولان عرش حقه پیرایه
جان أوسته اوزون سال باشیم اوسته سایه
یا فاطمه اِشفعی لَنا عِندَالله
.
.
ویرّم سنی بیرده شه مردانه قسم
اوغلون حسنه شاه شهیدانه قسم
یتمیش ایکی دین اوسته آخان قانه قسم
یا فاطمه اِشفعی لَنا عِندَالله
.
.
بیرده سو کنارینده سوسوزجان ویرنه
گونلر قباقندا قالان عریان بدنه
قانلی باشی نیزه لرده شامه گیدنه
یا فاطمه اِشفعی لَنا عِندَالله
.
.
صحافیله بوهیئت آل طاها
آفاقه سالور شور حسینیله نوا
قسمت ایده بوجمعیله بیر کرب و بلا
یا فاطمه اِشفعی لَنا عِندَالله
.
.
#فاطمیه_صحاف_تبریزی
#فاطمیه_مدح #مناجات
#ایتدیم_بو_عزیز_عمری_گناهیله_تباه
#ترکی
.
✍️ #زبدةالاشعار✍️
.
🆔: @nohe_torki
نظر دهید