گیت اوغول گلسون خبر میداندا اکبر جان ویروب #اکبریه_ذاکر_اردبیلی

وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم میرزا ستار ذاکر اردبیلی
.
گیت اوغول گلسون خبر میداندا اکبر جان ویروب
قوی خانیم زهرا دیسون لیلاده بیر قربان ویروب
.
.
گیت چکلسون کربلاده غملو داغون سینه مه
حاضرم دولسون بالا نار فراقون سینه مه
گور نجه لرزانیدور ویر بیر قولاقون سینه مه
بیر محبت وار اونی هر مادره سبحان ویروب
.
.
من که هر یرده غریبم غربته صبر ایلرم
چکمیشم اون سگّز ایل چون زحمته صبر ایلرم
آیریلوق گرچه چتیندور فرقته صبر ایلرم
هر مصیباته خدا آغلار گوزی درمان ویروب
.
.
آرزوم قالدی اورکده گورمدوم گرچه طویون
گل قباقیمده قدم ویر گز گوروم بیر گل بویون
بیرده بو فرصت اله گلمز اولاق بیر قول بویون
قتلوه شمشیر و صیقل لشگر عدوان ویروب
.
دوغرانوب اولسون او گل جسمون گون آلتیندا کباب
گیزلنوب قان پرده سنده گل یوزون چون آفتاب
نازنین نعشون گلوب گورسون دیسون هر شیخ و شاب
بیر بیله شهزاده قربانی یقین سلطان ویروب
.
.
خیمیه نعشون گلنده یاسوه گلّم بالا
گوزلروندن گه اؤپوب گه قانینی سیلّم بالا
منده چوخ چکمز بو غم که منده وار ئولّم بالا
بیربیره سؤیله لَّه لیلا غصّه سیندن جان ویروب
.
.
سن کیمی اوغلوم ئوله آیا نجه من ئولمرم
بیر اورک گر یاره لندی چاره یوخ ایلر ورم
گون به گوندن دردی آرتار شدت ایلر دمبدم
چون بو درده چاره اولماز هر طبیب اعلان ویروب
.
.
صبره باخ لیلاده صبره بیر بیله صابر آنا
اوغلونون گتدی کفن سالدی گیدنده بوینونا
«ذاکرون» قلبی گرک بو محنته دائم یانا
گیت اوغول گلسون خبر میداندا اکبر جان ویروب
.
.
#اکبریه_ذاکر_اردبیلی
#اکبریه_شهادت
#گیت_اوغول_گلسون_خبر_میداندا_اکبر_جان_ویروب
#ترکی
.
✍️ #زبدةالاشعار ✍️
.
🆔: @nohe_torki