ایتمیشم من چوخلی عصیان،یا حسین التوبه توبه #حر #تابع_تبریزی

حر (علیه الرحمه)
.
✍️ #زبدةالاشعار ✍️
.
🆔: @nohe_torki
.
مرحوم تابع تبریزی
.
#سبک_ای_ویرن_ویرانه_یرده
.
ایتمیشم من چوخلی عصیان،یا حسین التوبه توبه
اولموشام ایندی پشیمان ، یا حسین التوبه توبه
.
.
ای امیدسیزلر امیدی ای پناه سیزلار پناهی
ای اولان ملک وفانون با وفا لب تشنه شاهی
من یوزی قاره چالشدیم تاپدیم آخر شاه راهی
تاپموشام توفیق یزدان یا حسین التوبه توبه
.
.
گرچه چکدیم سیزلری من جبریلن کرب و بلایه
سالموشام اولاد هاشم جاننی بوردا بلایه
نادمم دلدن من ایندی ایتدی قوم جرم و خطایه
گلمیشم من دیده گریان یا حسین التوبه توبه
.
.
خجلتیمدن اشک چشمم جاریدور گوزدن عذاره
نار خجلت شعله ویردی جسممه سالدی شراره
آتش خجلت بسمدی دردیمه گل ایله چاره
گورمیوم من نار نیران یا حسین التوبه توبه
.
.
توکماقا قانون عطشدی یا حسین بو قوم عدوان
ظاهراً آدی مسلمان باطناً یوخ دلده ایمان
منکنار اولدوم بولاردان گلدیم ای شاه لب عطشان
اولماقا حق دینه قربان یا حسین التوبه توبه
.
.
بیراوزون مدت اگر چه راه بطلان دوتموشام من
بو اوزون مدتده غمدن سیدی قان اودموشام من
ایتمیشم یولدا جسارت قزلارون قورخوتموشام من
ایلدیم ظلمِ فراوان یا حسین التوبه توبه
.
.
من او بدبختم که حقدن دوشموشم چوخلی کناره
من او بدبختم گتوردوم سیزلری من بو دیاره
من او بدبختم که گتدیم قزلاریوی آه و زاره
عفو قیل گل ایله احسان یاحسین التوبه توبه
.
.
یا حسین گل لطف اوزیله بیرگوتور سن ال دعایه
من گنهکاری دعا ایت یانمیوم نار بقایه
راضیم دینمدن اوتری دوشماقا هر بیر بلایه
گچمشم من باش جاندان یاحسین التوبه توبه
.
.
حر دور آدیم گرکدور دهرده آزاد اولام من
لیک سن شاهه جهاندا بیر یوزی قاره غلام من
ایستورم گول مقدمونده جان ویرم گول تک سولام من
جان ویرم جانانه قربان یا حسین التوبه توبه
.
.
سیدی عبد ذلیلم درگه حقه یوزوم یوخ
معصیت بحرینده غرقم بیرگنهکارم سوزوم یوخ
منده اما بیرجه یاره گورماقا سنده دوزوم یوخ
سال یولا ویر اذن میدان یاحسین التوبه توبه
.
.
تابع دنیا اولانلار دیننی دنیایه ساتدی
«تابع دین» اولدی هرکیم دلده کی مقصوده چاتدی
خوش او شخصه دینی دوتدی ، وای او شخصه دینی آتدی
دین آتان اولماز مسلمان یاحسین التوبه توبه
.
.
#حر #تابع_تبریزی
#اصحاب_الحسین
#ایتمیشم_من_چوخلی_عصیان_یا_حسین_التوبه_توبه
#ترکی
.
✍️ #زبدةالاشعار ✍️
.
🆔: @nohe_torki