زبدةالاشعار

ایدوب نور خدا رحلت تماماً انبیا آغلار #پیامبراسلام_واعظی_هریسی

شهادت پیامبر اسلام صلی الله علیه و آله
.
✍️ زبدة الاشعار ✍️
.
🆔: @nohe_torki
.
مرحوم احد واعظی هریسی
.
ایدوب نور خدا رحلت
تماماً انبیا آغلار
اولوب صاحب عزا زهرا
بو غمده ماسوا آغلار
.
.
.
قالیب دنیاده بی یاور عزیزی فاطمه آغلار
زمانه باشینه سالدی قرا معجر اورک داغلار
گوروب خالی یرین هر آن سرشک تر یوزه باغلار
آچوب باشون یولار زلفون عزیز مصطفا آغلار
.
.
.
ملائکلر اولوب محزون قوروبلار مجلس ماتم
ویروب جان پایۀ ایمان اولوب غرق عزا عالم
اولوبدور عزّت زهرا جفای چرخدن بر هم
آچوب عمّامه سین باشدان بوغمده مجتبا آغلار
.
.
.
گوروب گل تک سولان رنگین گلوبدی غملری جوشه
آلوب باشین دیزی اوسته چکوبدی جان تک آغوشه
ایدنده ناله و شیون گلوب ختم رسل هوشه
قویوب باشین ایاقینه شهید کربلا آغلار
.
.
.
حسینُ یَجلس یوماً عَلی صَدرِ رَسولُ الله
وَ یَوم یَجلسُ الشِّمر عَلی صَدرِ شه بطحا
یَکون مَن قَفا ذِبحاً حسین فی یَومِ عاشورا
اولار محشر عیان بیر گون سراسر اشقیا آغلار
.
.
.
آچوبدی کربلا شاهی او وقته مرغ تک شهپر
اولوب وقت وفاتینده مکانی صدر پیغمبر
بویوردی اولمیون مانع بو طفله اولماسون مضطر
کسللر باشینی تشنه زمین کربلا آغلار
.
.
.
جفای چرخدن اولدی بو گون زیر و زبر عالم
دوتولدی انبیاء ایچره بو گونده مجلس ماتم
فلک رحم ایتمدی اولدی اساس فاطمه برهم
باتوب یاسه شه مردان علی المرتضی آغلار
.
.
.
آتاسی جان وئرن وقته یولوب زلفون اولوب گریان
دیوب مندن صورا اولدی سراسر آشیان ویران
منی ترک ایلیوب گیتمه قیزون زهرا سنه قربان
اودور عالم قرا گیدی جمیع انبیاء آغلار
.
.
.
بوغمده #واعظی شرکت ایدوب یاسه جهان آغلار
توکوب اشکین یوزه هر آن بوگونده هیئت انصار
نصیب ایله اؤزون یا رب اولاخ تا قبرینه زوّار
یازار نوحه اولار محزون ایدر شور و نوا آغلار
.
.
.
#سبک_علی_اصغر_مه_انور ( 8 سبک)
.
.
#پیامبراسلام_شهادت
#ایدوب_نور_خدا_رحلت_تماما_انبیا_آغلار
#واعظی_هریسی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  همه اجزاء عالم را نشانی از غم است امشب #پیامبراسلام_حسنیه_سدید_هریسی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی