کوفه
.
✍️ زبدة الاشعار ✍️
?: @nohe_torki
.
نوید آسال اردبیلی
.
سبک : زینبم جان اوستیم – یه سوال دارم مگر ما دل نداریم ای خدا و…
.
کوفه اهلی وورمیون سرنیزه ده قارداشیمی
قانه سیز دوندرمیون بو شهریده گوزیاشیمی
.
من علی بن ابیطالب نگاری زینبم
اهلبیت مصطفانون یادگاری زینبم
مکتب حرّیتون آموزگاری زینبم
من همان صاحب جلالم ایندی بی کس قالمیشام
یدی قارداش قاره سین بیرگونده باشه سالمیشام
.
عار اولا سیز ویردیگوز امضالره پیمانوزه
یاخجی حرمت ایلدوز بو شهریده مهمانوزه
من او شخصم کی ویروب درس شرف نسوانوزه
سیز ولی آل رسولی قانه غلطان ایله دوز
اهلبیت حیدری چوللرده ویلان ایله دوز
.
باخمادوز اهل ولانون گوزلرینده یاشلارا
حقی آتدوز یاور اولدوز باش کسن اوباشلارا
داش ویریسوز نه جسارته یارالی باشلارا
دیمورم من تک گلوب باشه ویرون قان آغلیون
دیورم آل علینون احترامین ساخلیون
.
او اوجا نی دی اوتورمیش شه وقاریم دور منیم
نه وقاریم ، افتخاریم اعتباریم دور منیم
قوی سوزی واضح دیوم دار و نداریم دور منیم
بنده ای مردم چکنمز هر فرومایه منی
اوباشین عشقی سالوبدور دشت و صحرایه منی
.
گوز قباقیندن کناره بیر چکون مولا باشین
گیزلدون لیلا گوزوندن اکبر زیبا باشین
حقه خاطر قیزلارا گورستمیون سقا باشین
تپراقا فورا آتون اللرده کی خفّت داشین
گیزلدون تازه گلیندن تازه دامادون باشین
.
سیز بیزی دعوت ایدوبسوز کربلا صحراسینه
دال چووردوز بس نیه عالملرون مولاسینه
نه جوابوز وار قیامتده عزیز یاسینه
سیز حسینی سو کنارینده لب عطشان دوغرادوز
اللری اوسته اونون دیلسیز بالاسین اوخلادوز
.
آند ویررم حقی من ناحق توکولمیش قانلارا
کربلا دشتینده قانه غرق اولان قربانلارا
خنجر اشراریلن مذبوح اولان جیرانلارا
سیز حیاسیز ملّتی دنیاده ویلان ایلسین
قلبیمی قان ایله دوز حق قلبوزی قان ایلسین
.
سیز مسلمانسوز نیه قرآنی پامال ایله دوز
أولدوروب زهرانون اوغلون خصمی خوشحال ایلدوز
قافیدن عنقانی سالدوز بی پر وبال ایلدوز
کوفه ده گویا دوباره جاهلیّت باشلانوب
شهر قرآندا دیون سیز هانسی قاری داشلانوب
.
نخل قرآن و ولایت اولدی بوردا بی ثمر
رگلرینده کوفی نون یوخ خون غیرتدن اثر
فکر ایدورسوز خون آل مصطفا اولدی هدر
من حسینون حقینی عالمده احیا ایلرم
دشمنان حیدری هر یرده رسوا ایلرم
.
من نشان ویررم جهانه آل هاشم عزتین
کاخ استبداده ویررام کربلانون رأیتین
نطقیلن محو ایلرم آل امیه قدرتین
خلق ایدوبدور زینبی خلّاق جان بی واهمه
مشکله هر یرده دوشسم سسلرم یا فاطمه
.
یاخجی ویردوز کوفیان بی حیا پاداشیمی
بیر عجوزه داشلادی تا نیزه ده قارداشیمی
آلنینون گوردم یاراسین منده یاردیم باشیمی
قلبیمی تسخیر ایدوب درد و محن یوخدور بیلن
باشیمون قانی آخوب رخساریمه یوخدور سیلن
.
#سبک_زینبم_جان_اوستیم …. 4 سبک
.
#کوفه
#کوفه_اهلی_وورمیون_سر_نیزه_ده_قارداشیمی
#آسال_اردبیلی
#ترکی
.
✍️ #زبدةالاشعار✍️
?: @nohe_torki
نظر دهید