ایستیور حسین گئده کوی یاره زینبیم

وداع
.
زبدة الاشعار

?: @nohe_torki
.
مرحوم تقائی اردبیلی
.
ایستیور حسین گئده
کوی یاره زینبیم
وصل یاره ال تاپا
باشدا یاره زینبیم

.
محفل وداع دور حاضر ایله قزلاری
آتش فراقدن واردی دلده سوزلاری
آخرین زمان گوروم بیر به بیر سوسوزلاری
باش چکوم رقیهّ دلفکاره زینبیم

.
سسله اهل بیتیمی غم بساطینی قورون
بیر جوره اوشاقلارا رمز هجر آندرون
باری سیز من ائولمه میش قزلاری سویوندرون
قالماسون اولاردا زر گوشواره زینبیم

.
آز قالور اسیر اولا خاندان مصطفی
آز قالور که باغلیا قولاروزی اشقیا
نای دل بو دشتیده نی کیمین ائدور نوا
خردا قزلاری سالار غم فشاره زینبیم

.
کربلاده باش آچوب ایندی جدّ و اُمّ و اب
گرچه قلبووی ائدوب درد و غصه مُلتهب
هر گجه که باشلادون قلماقا نماز شب
قیل دعا بو بی کس و بیقراره زینبیم

.
صبر ائله فراقیمه بیرده پوزما حالووی
گرچه چرخ دون پوزار ظلمیله جلالووی
ساخلا بزم دشمنه آتشین مقامووی
اوردا باشلا خطبهً آبداره زینبیم

.
عزم رزم ائدم گرک من بو گون وقاریله
جان وئرم نگاریمه شوق و افتخاریله
قتلگاهیده یاتام قلب زخمداریله
قلبیمون قانی آخا ریگزاره زینبیم

.
من گرک کول اوستونی بزم خلوت ایلیم
یاریمه تنوریده تا عبادت ایلیم
دیرده گرک گئدوب استراحت ایلیم
پیر دیر تا چاتا افتخاره زینبیم

.
سنده قویما پرچم انقلابیمیز یاتا
یا که خصم خیره سر ئوز مرامینه چاتا
آتشین بیانیله ، قویما قانیمیز باتا
هر مکاندا نهضته قیل اشاره زینبیم

.
شمع ماتمی گرک قلب ائوینده یاندیروم
قان وئروب ، حقیقتی عالم ایچره آندوروم
ائندی ور رقیه می من ئوزوم سویوندوروم
تاپشوروم او دختری کردگاره زینبیم

.
شامه جن مواظب اول سن او گلعذاریدن
سیل انون اورک قانین چشم اشکباریدن
گوز یومار خرابده غملی روزگاریدن
تاپشورارسان اول قزی سن مزاره زینبیم

.
#سبک_مسلمون_شهادتی ( 5 سبک برای سینه زنی و زنجیر)

.
#وداع
#حسینیه_وداع
#ایستیور_حسین_گئده_کوی_یاره_زینبیم
#تقایی_اردبیلی
#ترکی
.
#زبدةالاشعار

?: @nohe_torki