ایله دی جور زمان یارینی اؤز یاریندان #فاطمیه_محمدتقی_یاور

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#محمدتقی_یاور
.
ایله دی جور زمان یارینی اؤز یاریندان
الینی اوزدى على محرم اسراریندان
.
قوپدی طوفان جفا سولدی گلستان وفا
گلی گلشندن ایدوب بلبلی گلزاریندان
.
او نه طوفان او نه تاراجیدی گئت سن ده سوروش
او ایوین قانه بویانمیش در و دیواریندان
.
قاپی یاندی بالا ئولدی او بیوک فاجعه ده
خبرین قانه دونن ال قاپی مسماریندان
.
گل وجودون ایلدی خار مغیلان مجروح
آنادا اولدی شهیده یارا آثاریندان
.
کیم بولور قالدی نه حاله او زمان شیر خدا
نه چکوب ، گوردی نه لر فرقت دلداریندان
.
حیدرین بوکدی بئلین فاطمه نون بو ئولومی
اود دوتوب قلبی یانوب قنفدین آزاریندان
.
گر چه «یاور» بو عزاده سوزون آز اولدی ولی
مرتضادن آلاسان اجریوی گفتاریندان
.
یا على منده مقدس قاپوون سائلیم
بهره مند ایله منی دولت سرشاریندان
.
دردمندم منی ده ایسته گلوم درگهوه
اوندا صحّت تاپارام دعوت دیداریندان
.
#فاطمیه_شهادت
#ایله_دی_جور_زمان_یارینی_اؤز_یاریندان
#ترکی
.
✍️ #زبدةالاشعار ✍️
.
🆔: @nohe_torki