زبان حضرت اباعبدالله الحسین(ع) در حال وداع
..
..
..
..
مرحوم تائب تبریزی
..
..
..
..
ایله سرمستم بو چولده جام وحدتدن باجی
مایلم چوخ تز کسم الفت بوکثرتدن باجی
..
..
..
..
من گرک راه حقیقتده لب عطشان جان ویرم
عشقیمی عشاقه بو آفاقده اعلان ویرم
گلستان شرع و دینه سو یرینه قان ویرم
تا ایدم حالی مجاز اهلین حقیقتدن باجی
..
..
..
..
نور وحدتدن منیم تخمیر اولوب آب و گلیم
اولیندن عشقیله مشتاق وحدتدور دلیم
باخمارام گیتسم قالار باشسیز هامی آرخام ائیلم
ال گوتورّم کوی حقده آل و عترتدن باجی
..
..
..
..
من اوگون که ئولماقا دین اُسته پیمان ویرمیشم
بو شهادت امرینه امضاء اذعان ویرمیشم
رغبتیله نفسیمی جانانه قربان ویرمیشم
ایلرم ایفا او عهده سیل رغبتدن باجی
..
..
..
..
من گرک بوگون طریق عشقده قانه باتام
ماسواللهى مقام قربده گوزدن آتام
قان ایچینده پیکر مجروحیله عریان یاتام
تا ایدم بیدار خلقی خواب غفلتدن باجی
..
..
..
..
تیر عشق حق دل مجروحیمی از بس دلر
شوقدن غربال چشمیم بیله خون دل اَلَر
باخمارام من نازپرور قزلاریم آغلار ملر
ایتمرم هرگز تعلل بو عزیمتدن باجی
..
..
..
..
یار وانصاریم تایوب فیض شهادت تک به تک
قالمیشام بو کثرت اشرار ایچینده بیله تک
نه سسیمه سس ویرن نه دادرس نه بیر کمک
داد یالقیزلیق الیندن داد وحدتدن باجی
..
..
..
..
خوشدی قان ایچره دوشم بیر زخمدار آهو کیمی
مرگ دامینده چالام من دست و پا تیهو کیمی
بو سوسوز چولده رضایم قانیم آخسون سو کیمی
وار رضای کردگاریم بو رضایتدن باجی
..
..
..
..
بو وجودیمدور منیم نخل وفانین هسته سی
حاش لله من اولام زخم جفانین خسته سی
سینه م اوسته اوخلاری سانام قزل گل دسته سی
قویمارام هرگز بیری دوشسون طراوتدن باجی
..
..
..
..
نه اولار عالمده بیر قارداش بلالی من کیمی
نه گلر دنیایه بیر باجی وفالی سن کیمی
هراوخی من سینه ده ویرم مکان مخزن کیمی
سنده دولدور سینه وی تیر شماتتدن باجی
..
..
..
..
هر مصیبت ویرسه یوز صبرایله دوندرمه یوزون
اهل بیتیمدن گوتورمه ای باجی بیر آن گوزون
تا منیم نازلی رقیه م یاتمیوب یاتما ئوزون
اول مواظب من کیمی بو کان عفتدن باجی
..
..
..
..
سن بوشیرین دل قزا هر لحظه لطفون شامل ایت
رأفتیله گویلون آل دردین اورکدن زایل ایت
قوللارین اهل جفا قمچی ووراندا حایل ایت
ضرب قمچی گورمه سین اهل عداوتدن باجی
..
..
..
..
آز قالورقان ایلسونلر گوزده کی گوزیاشوی
ئولدوروب قارداشون ایتسونلر قرالی باشوی
گل دویونجا گور دوباره گورمه سَن قارداشوی
توشه اخذ ایت عالم هجرانه وصلتدن باجی
..
..
..
..
ایلیوب بیله مقرّر کردگار لم یزل
شمع مرگ اولسون گرک هر خانماندا مشتعل
بیر بیریندن آیری سالسون جمله احبابی اجل
ماسوا مُلزمدی نوش ایتسون بو شربتدن باجی
..
..
..
..
سال خیاله ای باجی گور نولدی جدیم مصطفا
قیل مجسم گورگیلن نولدی آتام شیر خدا
نولدی قارداشون حسن نولدی آنام خیرالنسا
بیر به بیر کوچ ایلیوبلر دار محنتدن باجی
..
..
..
..
ماسِوا مهماندی عالمده بویورموش بوتراب
حاصلى یعنى لِدوا لِلموتِ وَابنوا لِلخراب
قیل حسینونده بو صحراده ئولنلردن حساب
یا دوغولموب فرض ایله خاتون عصمتدن باجی
..
..
..
..
خلق اولوبدور ئولماقا بدو جهاندان کاینات
لازم و ملزومدور خلقه حیاتیله ممات
کُلُّ شیءٍ هالکٌ مدرکدی باقى وجه ذات
درک ایله صغرا و کبرانی عبارتدن باجی
..
..
..
..
اولدولار بانی حسینیله غلام نوحه خوان
ویردی تائب بو سوزه بو طرزیله شرح و بیان
قبریمین ایلله جمعاً آرزوسین هر زمان
ایسترم قالماز اولار فیض زیارتدن باجی
..
..
..
..
#وداع #تائب_تبریزی #حسینیه #حسینیه_وداع #ترکی #زبدةالاشعار
نظر دهید