شهادت حضرت ابوالفضل (ع)
.
✍️ زبدة الاشعار ✍️
?: @nohe_torki
.
مرحوم زایر اردبیلی
.
چون عرشِ زین اوستن دوشوب
سقای مظلومان یئره
گویا نزول ائیلوب او دم
گوید‌ن مهِ تابان یئره
.
اولدی علم تک سرنگون
نوباوه‌یِ شاهِ نجف
دور و برین اهلِ جفا
ایلوب احاطه صف به صف
اولدی خد‌نگِ دشمنه
ظلمیله گول جسمی هدف
زخمِ شریفیند‌ن آخوب
جیحون کیمی القان یئره
.
یالقوز گوروب اول سرو‌رین
اطرافینی آلدی صفوف
از بس یارالی جسمینه
ووردی گروهِ کین سیوف
تحریر ائدوبله پیکرین،
شمشیریله مثلِ حروف
گویا دوشوب قرآنید‌ن
بیر صفحۀ قرآن یئره
.
سرو قدّی طوبیٰ کیمی
دوشموش یئر اوزره چاکِ چاک
مردانه راهِ عشق ده
اولموش وجودی زیبِ خاک
زخمِ وجودیند‌ن اولوب
جاری او دشته؛ خونِ پاک
قانیله ثبت و ضبط اولوب
تا آیۀ قرآن یئره
.
بی‌تاب و بی‌طاقت گوروب
تاپدی جسار‌ت کوفیان
موج ائتدی دریا تک او دم
اهلِ جفا؛ پیر و جوان
دگدی زبس اول سرو‌ره
شمشیر و تیر خونفشان
قان قطره سی گول جسمید‌ن
گول تک اولوب خندان یئره
.
اون یدّی کافر کین ایله
چکدی بئلیند‌ن خنجرین
اقدام ایدوبله کسمگه،
باشین سوسوز اول سرو‌رین
ظلمت کیمی اول مه وشین
آلدی عدو دور و برین
آز قالدی جور و ظلمد‌ن
دوشسون او گون لرزان یئره
.
سمتِ خیامه یوز دوتوب
حسر‌تله اول کانِ وفا
نطقِ گهر بارین آچوب
عرض ائتدی ادرکنی اخا
یئتدی خیمده اول زمان
سمعِ امامه بو صدا
اشگِ بصر باران کیمی
توکدی شهِ دوران یئره
.
سرعتله چیخدی خیمه‌د‌ن
میدانه یوز قویدی او شاه
نه نوع تاپدی قارداشین
اول پادشاهِ کم سپاه
قان لخته‌سی دوتموش یوزین
ابر ایچره گویا قرصِ ماه
بی‌صبر اولوب تا زینید‌ن
دوشدی شهِ عطشان یئره
.
آلدی دیز اوسته باشینی
اول معد‌نِ جود و کرم
فرمایش ایلوب یا اخا
هجرونده اولدوم قدّی خم
بی‌صبر و بی‌آرام ائدیب
اولادِ اطهاری بو غم
جاری ائدللر گوز یاشین
هجرونده چون باران یئره
.
بو «زایره» لطف ائت شها
عبّاسیوه اولموش دخیل
بو حاضرینِ بزمیله
عقباده قیل اجرین جزیل
ایسته گلاخ بو جمعیله
اول روضۀ پاکه بو ایل
تا سجدۀ شکر ایتماقا
بیز یوز قویاخ بیر آن یئره
.
#سبک_ای_شاه_مظلومان_حسین ( 5 سبک )
.
#عباسیه_شهادت
#چون_عرش_زین_اوستن_دوشوب_سقای_مظلومان_یئره
#زائر_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید