زبانحال حضرت زینب (س) در وداع حضرت اباعبدالله الحسین (ع)
✔️ سوال و جواب
.
✍️ زبدة الاشعار ✍️
?: @nohe_torki
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
مرحوم سعدی زمان
.
گل بیر دولانوم باشووه ، گیت تاجداری زینبون
قربان گیدن یولاّریوه ، جانِ فکاری زینبون
.
هر یاندان اوز امّیدیمی کسدیم بوگون من بینوا
بو چولده گوز تیکدیم سنه ای ماسوی‌اللّهه رجا
سنده گیدورسن بس نئجه تاب ایلیوم ائتموم نوا
یوخ یدّی قارداشدان قالان بیر غمگساری زینبون
.
باغریم حسین قان باغلیوب وار محضرونده چوخ سوزوم
امّا دیلیم دوتمور دییم مأیوسم عمرومدن اوزوم
غصّه گلوگیر ایلیوب ویرمور امان آغلار گوزوم
وار حقّی گوزدن خون دل گرائسته جاری زینبون
.
تاپشوردون اطفالون منه ای قطب افلاک و سمک
یالقوز بیر عورت نیلسون قرخ مین قوشون یوخ بیرکمک
چکمور گریبانیمدن ال هشتاده‌دین قاره لچک
گلمور اجل تا گورمسون بو گیروداری زینبون
.
باشدان آتام حیدرکیمی قانون آخور گوز قاشیوه
باغریم اوقان تک قان اولوب آند اولسون اول گوز یاشیوه
گلمور دیزیم بیر آز دایان زینب دولانسون باشوه
نه دیزده نه دلده حسین وار اختیاری زینبون
.
گیتمه بویون قربانی دور قول بوینووا بیرده سالوم
باس قانلو باشون سینمه تا جدّیمون عطرین آلوم
روحیم امیدیم عزّتیم گل قویما قارداشسیز قالوم
سن اولماسان اولماز یقین عزّ و وقاری زینبون
.
ایکاش اولیدی شرعده عورتلره جایز قتال
قربان اولیدیم من سنه درک ایلییدیم ارتحال
صد حیف الده چاره یوخ وئرمور نتیجه بو خیال
سونمور سرشک چشمیله دلدن شراری زینبون
.
آلدون او کوینک که حسین گیدون خیمده برملا
بلدوم بلالی باشیمون من ئوز بلاسین جابجا
شه کهنه کوینک گیسه گر اهلی گرک عریان قالا
دوشمز نجه الدن اله سنسیز خماری زینبون
.
بلسم قبول ایلر عوض بو لشگر شوم و دنی
بو قومه یالوارّام حسین رحمه گتورّم دشمنی
ذبح ایلسونلر زینبی ائتسونله مستخلص سنی
صورت پذیر اولسا اگر وار افتخاری زینبون
.
قیزلار باخوردی خیمه‌ده ممکن دگولدی کشف راز
یوخ بوردا ایمدی اهلبیت ای خسرو ملک حجاز
وار دلده بیر گیزلین سوزوم عرض ائتماقا قیلسان مجاز
عرض ایلرم ای روحیدن آرتوخ نگاری زینبون
.
سویله گوروم گورماقلوقا بیرده گلورسن عترتون
قویدون پریشان یا باجون زلفی کیمی جمعیّتون
آخر سفردور بوسفر اولماز دوباره رجعتون
عمرونجه قلبینده قالار بو انتظاری زینبون
.
ائتدی اشاره باشیله یعنی باجی باخ نیزه‌یه
باشیم کسیلسون آز قالور گلسون فلکلر لرزیه
ذات خدا ایتسون بپا عرشینده بزم تعزیه
اولسون او بزمه منعکس تا آه زاری زینبون
.
زینب ائشیتجک بو سوزی باش آچدی گلدی شیونه
عرض ایلدی قارداش حسین بیر خواهشیم واردور سنه
تک‌تک وداع ائتدون هامی اطفالی تاپشوردون منه
بو فیضدن قالدی ایکی لاله عذاری زینبون
.
ایله عطش دلدن سالوب قالموب اولاردا صبر و تاب
غشّ ایلیوبلر خیمه‌ده ای نور چشم بوتراب
گول یوزلرینه سپماقا یوخ خیمه‌ده هر چند آب
اشگیله امّا دیده‌ده وار جویباری زینبون
.
ایله تواضع گل اوزون گور اول ایکی نورس گلی
تا دللرینده قالماسون حاله گلنده نسگلی
القصّه گتدی خیمیه زینب شه دریادلی
حالی پوزولدی قارداشین گئتدی قراری زینبون
.
گوردی یوز اوسته قول بویون بیرجفت مه منظر یاتوب
اشگیله توپراق ایسلانوب یوز گوز قرا تللّر باتوب
گورجک بوحالی شاه دین اوز فکرینی باشدان آتوب
گور زلفی چوخ آشفته‌دور یا روزگاری زینبون
.
دوتقون سسیله ایلیوب زهرا قیزی اوّل ندا
گوردی اویانمولاّر اولار بولدی که وار بیر ماجرا
تا ال یتوردی قووزاسون گوردی ئولوبلر یوخ صدا
ویران اولوبدور صبردن محکم حصاری زینبون
.
باخ گور بو درد و محنته داش اولسا دل ایلر دوام
واللّهی بیر زینب دوزر بیرده امام تشنه کام
ذیحقّدور قان آغلاسا صاحب‌زمان هر صبح و شام
اولسون نقدری آلمیوب داد اشگباری زینبون
.
چوخدان «حسینی» ایلوری قبر حسینی آرزو
اوز سوودوقی اشخاصیله قویسون او قبر پاکه رو
طاهایی اولسون نوحه خوان ائتسون گوگول زخمین رفو
قویما بو حسرتده بیزی ای کردگاری زینبون
.
ایستردی آیریلسون حسین زینبدن آغلاردی گوزی
ویرّم قسم اول‌وقتینه بیر سن بولورسن بیر اوزی
قورتار فشار دهردن لطفاً قبول ائت بوسوزی
مخلوقه محتاج ائتمه ای پروردگاری زینبون
.
✔️ متن سوال در هشتک زیر
#ای_اسمی_لفظ_عصمته_معناده_مصدر_زینبیم
.
#وداع
#سعدی_زمان
#گل_بیر_دولانوم_باشووه_گیت_تاجداری_زینبون
#کنزالحسینی2 ص 88
#ترکی
.
✍️ #زبدةالاشعار ✍️
?: @nohe_torki
نظر دهید