میل سوختن
.
✍️ زبدة الاشعار ✍️
?: @nohe_torki
.
محمد وهابزاده ( عیّار)
.
شمعین اُؤدینا یانماقا پروانه دی میلیم
پروانه صفت جذبهٔ نیرانه دی میلیم
.
خیّام کیمی آلمامیشام ساغر الیمده
یول گوزلیورم بادهٔ حِرمانه دی میلیم
.
رند اولماقی درس آلمامیشام صوفی رَهدن
ایمانه دی عشقیم ره عرفانه دی میلیم
.
حسرت چکورم دارِ اناالحقده گوزویم وار
منصور کیمی جانب جانانه دی میلیم
.
عشق عالمی بیر وادی طوفان زده یولدی
بو یولدا حزین زینب نالانه دی میلیم
.
تکفیر ایلیور زاهد کوته نظر عشقی
سر نیزه ده کی قاری قرآنه دی میلیم
.
واللهی حسین مکتبی بیر حصن حصیندور
هیئتده یازان مشق دبستانه دی میلیم
.
گونلر سووشار آی گله جک ایل قوتاراندا
ئورگنمه میشم درسیمی دیوانه دی میلیم
.
#حسینیه_مدح
#شمعین_اؤدینا_یانماقا_پروانه_دی_میلیم
#محمد_وهابزاده
#ترکی
.
✍️ #زبدةالاشعار ✍️
?: @nohe_torki
نظر دهید