وداع امام حسین (ع)
..
..
مرحوم حسینی سعدی زمان
..
..
ای آنام بتوله نایبه غم کشیده خواهر آغلاما
صبر ایله دایان مصائبه او لما چوخ مکدر آغلاما
..
..
باشوه یغ اهل بیتیمی چخما باجی خیمه گاهدن
اوندا کیم اوجالدی هلهله رزمگاهده سپاه دن
قیل سراغ قانلو نعشیمی قان ایچنده قتلگاهدن
سینه ا سته گورسن اگلشوب شمر کینه پرور آغلاما
..
..
باشون آچما یولما زلفوی ویرمه رخصت اشک آلیوه
پوزما اؤز وقار و شأنوی وورما سیلی گول جمایلوه
بو سپاه بیحیا ائدر گلسه هر ستم خیالیوه
اود وورولسا خیمه گاهیمه یانسا آل حیدر آغلاما
..
..
یورما اؤز اؤزون فغانیله قیلما ناله گلمه شیونه
بُلمسون حیالی قیزلاریم وار اورکده بیر سوزوم سنه
دورما بیرجه کهنه پیرهن ای آنام باجی گتور منه
سرّینی سنه بیان ایدوم ای بتوله مظهر آغلاما
..
..
ایستورم او کهنه کوینگی ایلیم محافظ بدن
ایسی قوملار اوسته اوچ گیجه قالمیام یارالی بیکفن
قویماز اهل کین ولی اولا ساتریم او کهنه پیرهن
قتلگه ده گورسن عوردور ب ویارالی پیکر آغلاما
..
..
ساخلیوب ز بسکه کوفیان سینه سنده بغض و کینه می
سمّ مرکبیله ظلمیله خرد خرد ایده لّه سینمی
تازیانه ایله وورسالار قویما باری سن سکینه می
چوللره داغلسا سربسر عترت پیمبر آغلاما
..
..
بو گونون زمان عصرینون وارغریبه بیر حکایتی
باشیمی وورالّا نیزیه کوفه نون شقی جماعتی
بو دیارده قیام ایدر آل حیدرین قیامتی
گورسن ای شفیعۀ جزا واردی شور محشر آغلاما
..
..
تا منى یتوردی تشنه لب بو گروه کین شهادته
خیمیه هجوم ایدر قشون ال آچالّا نهب وغارته
زینت و لباسون آلسالار آچما باجی دل شکایته
چادرون آلنسا صبر ایله غارت اولسا معجر آغلاما
..
..
نیلورم داخی جهانی من دوغرانوبدی اکبریم منیم
اوخلانوب الیمده تشنه لب شیرخواره اصغریم منیم
زلفینی یولار فغانیله قیزلاریم حرملریم منیم
باری سن اوزون ایتورمه چوخ ای بلایه مصدر آغلاما
..
..
«سعدی زمان حسینیا» باخما چوخ فشاره دوشموسن
قرب وصل شاه دیندن بیر قدر کناره دوشموسن
حیطۀ غم فراقده سخت بیر حصاره دوشموسن
مشگلون آچار حسین اؤزی اولما چوخ مکدّر آغلاما
..
..
..
#وداع #سعدی_زمان #حسینیه_وداع #ترکی #زبدةالاشعار #کنزالحسینی2
نظر دهید