زبانحال حضرت زینب کبری (س) در قتلگاه
..
..
سیفی اردبیلی
..
..
بو مناده سن دایاندون ایلکه نمازه قارداش
آچلوبدی باب جنّت هامی اهل رازه قارداش
..
..
سن او شاهد ازل سن که بلی دیدون نگاره
گهر خلوص عشقی توکه سن قدوم یاره
یتشوب سوزون ثبوته گلوب عزّتون عیاره
گیدوب عرشه خون پاکون چاتوب امتیازه قارداش
..
..
گِل اولاندا جسم آدم گُل ایدون جنان باغندا
سنه بیر نظیره گورمز بو فلک زمان باغندا
یایلوبدی عطر زلفون حق لامکان باغیندا
تاپا بیلمز ال هر عاشق ابداً بو نازه قارداش
..
..
گوزل آرماندا ویردون گوزلیم جهانه پیغام
زر و سیمه اگمدون باش هوس اوسته اولمادون
رام گئجه بیصدا گیندون ئوز ایونده رخت احرام
گیدن اولمیوب سنون تک سفر حجازه قارداش
..
..
عجبا بو کربلانی ئوزووه منا ایدوبسن
بو زمین شوره زاری چمن ولا ایدوبسن
شن و خاک قتلگاهی قانیلان طلا ایدوبسن
ملک ایندی درگهونده ال آچوب نیازه قارداش
..
..
امویلر ایلینمز می وحدتیله مستی
آزالوب خداشناسی چوخالوب دغا پرستی
اولارا حیات خوشدی سنیچون ئولومدی هستی
اودی نیزه خنجر اَندی سر سرفرازه قارداش
..
..
بو خزان زندگیده ثمر بهاره واردی
سینون اوسته سایماق اولماز نه قدر ستاره واردی
اوره گوندن اوخ دگوبدی کوره گونده یاره واردی
منی آگه ایله باری بو یانقلی رازه قارداش
..
..
کیم ایدوبدی قان ایچینده سن ایدن کیمی عبادت
مگر هانسی مرد عاشق بو قدر گوروب جراحت
نه مسیحه قسمت اولدی نه خلیل ایچون سعادت
دوشه کوی دلبرینده بیله سوز و سازه قارداش
..
..
زر و سیمه دل ویرنلر سنی ایلیوبدى تکفیر
هدفوندن ئوزمدون ال روشوندن اولمادون سیر
سنه مقتل اولدی محراب اوجالاندی صوت تکبیر
نَنَمونده روحی سنلن دایانوب نمازه قارداش
..
..
یازالار کتاب عشقه مُحن مفضّلون وار
آنامون وفالی اوغلی نه یانقلی مقتلون وار
بو نه نعشیدور بدنده نه باشون نده الون وار
گورن اولمیوب جهاندا بیله بیر جنازه قارداش
..
..
..
#حسینیه #سیفی_اردبیلی #حسینیه_شهادت #کوچ_کربلا #قتلگاه #ترکی #زبدةالاشعار
نظر دهید