زبانحال حضرت اباعبدالله الحسین علیه السلام در وداع
✔️ سوال و جواب
.
✍️ زبدة الاشعار ✍️
?: @nohe_torki
.
#سبک_ای_شاه_مظلومان_حسین (5 سبک متفاوت سینه و زنجیر و … )
.
مرحوم سعدی زمان
.
ای اسمی لفظ عصمته ، معناده مصدر زینبیم
چوخ آغلاما ای خلقتی ، زهرایه مظهر زینبیم
.
ای فعل تکویناتیده فاعل آتاسی مرتضی
گوسترسه هر عامل قضا معمول به ده اول رضا
سنده گرک زهرا کیمی اولسون مقام ارتضی
ای هر مصیبتده آنام زهرایه بنزر زینبیم
.
تشریع و تکوین عالمین تشریح ایدن عالی فُهول
عفّتده عصمتده یازار تک دور بو عالمده بتول
سن سن اونون آئینه سی حیراندی شانونده عقول
ای لفظ عصمتده اولان معنای مُضمر زینبیم
.
قیز مریم اولسا مایۀ ذُلّ و حقارتدور اَبه
امّا آتان حیدر گرک فخر ایتسون اسم زینبه
ای عصمت کبری قیزی ترویج دین و مذهبه
یازمیش سنی کلک قضا منله برابر زینبیم
.
منله شهادت امرینه واردور ازلدن شرکتون
سن سن شریک اعظمیم، مندن بیوکدور قسمتون
مندن صورا اولسون گرک اسلامه دائم خدمتون
دین اهلینه اولسون آدون دنیاده مفخر زینبیم
.
نسواندا مثلون گلمیوب گلمز دوباره عالمه
ایتسن تفاخر وار یری عزّ و شرفده مریمه
عرش آستان درباروه، سارا و حوّا خادمه
ای بی معلّم عالمه، ای علمه زیور زینبیم
.
ای بو جهاندا زیب اَب، دخت رشید بوتراب
نور جمالوندن خجل قرص منیر آفتاب
گورسن قولوندا وار طناب ای زادۀ امّ الکتاب
صبرون طنابین کَسمَسین مقراض غملر زینبیم
.
ای سرّ ناموس و حیا، مفهوم و معنای وقار
صبر ایله باشدان معجرون گر آلسالار قوم نقار
قاره بولود تک صورته سال تار زلف مشکبار
رسوای عالم اولماسون خورشید خاور زینبیم
.
ایلیوب سنی روز ازل جام بلا سرمست غم
حین ولادتده آچوب کامون غمیله دست غم
دوز کربلادن شامه تک اولسان اگر پابست غم
ای هر بلا مولودینه عالمده مادر زینبیم
.
راه مروّتدن بو گون قوم جفا جویان دورار
آل خلیلین خیمه سین نمرود ثانی یاندورار
اوغلوم یانار، اوددا قالار، حالی سنی اودلاندورار
سالما شرار آهیله کونِینه آذر زینبیم
.
حجّتدن اولسا ای باجی خالی بو دورِ روزگار
یرلر اوز اهلین خسف ایدر، گوگلر اولولّار تار و مار
پروردگارین حجّتین سن اولماسان قوم شرار
مقتول ایده للر، محو اولار بو چرخ اخضر زینبیم
.
صبر و تحمّل کاخینی اشکیله ویران ایلمه
یاخسان عذاره قانیمی گوز یاشوی قان ایلمه
پوزما نظام عالمی زلفون پریشان ایلمه
ظلمین گرک ویرسون باشا قوم ستمگر زینبیم
.
من اوغلون اکبردن صورا عمر جهانی نیلورم
عبّاس اُلوبدور، لشکر و هنگ و قوانی نیلورم
ملک بقا سلطانیم، دار فنانی نیلورم
بزم وصاله ایستیوب خلّاق اکبر زینبیم
.
گرچه مقدّردور سیزون دشمن قولوزی باغلاسون
هر گون یارالی قلبوزی مین آتش غم داغلاسون
امّا اماندور جهد ایله قویما رقیّم آغلاسون
قمچی ووراندا باشینه شمر بد اختر زینبیم
.
باخما ایله حسرت منه، اشکیله دولدورما گوزون
اوّل مصیبتدور هله یورما آنام باجی اوزون
باخما که من اُلَّم دونر شامه ایشیقلی گوندوزون
اول کربلادن شامه تک بو جمعه رهبر زینبیم
.
بیر شاه دربارینده گر اولسا جوان بیر کلب پیر
منظور ایده للر خدمتین تا عمری وار شاه و امیر
بیر ایتدی «سعدیّ زمان» اولّام جهاندا دستگیر
محشرده ده قویمام گوره خفّت او نوکر زینبیم
.
✔️ متن جواب در هشتک زیر
#گل_بیر_دولانوم_باشووه_گیت_تاجداری_زینبون
.
#وداع
#سعدی_زمان
#ای_اسمی_لفظ_عصمته_معناده_مصدر_زینبیم
#لمعات_حسینی ص 268
#ترکی
.
✍️ #زبدةالاشعار ✍️
?: @nohe_torki
نظر دهید