ای افتخاریم ای وطن، ای شانلی ایرانیم منیم #وطن #فیضی_اردبیلی

در تعظیم وطن عزیزمان ایران
تقدیم به روح تمام شهدای والامقام به ویژه #شهید_باکری و سردار دلها #قاسم_سلیمانی
.
✍️ #زبدةالاشعار ✍️
.
🆔: @nohe_torki
.
فیضی اردبیلی
.
ای افتخاریم ای وطن، ای شانلی ایرانیم منیم
فخر ایلورم تاریخووه ایستکلی جانانیم منیم
.
دائم قوجاقونده منه لایلای چالورسان سویگولوم
وار هر قادون دیسون منه، وسعتلی ایرانیم منیم
.
سندن حمایت ائتمگه آمادی‌ام جان وئرمگه
هر بیر اووج تپراقووه قربان اولا جانیم منیم
.
آذر ائلیم، ترک اوغلیام، ایرانلیام ایرانلیام
بیلسون هامی بیگانه‌لر وار سنله پیمانیم منیم
.
سنسن وقاریم عزّتیم، سایونده وار امنیّتیم
اوج سعادتده یاشا، مهر فروزانیم منیم
.
ایران نه ایران؟ بیشهٔ شیرانِ مردِ شیردل…
هر بیشه‌سینده واردی بیر غیرتلی اصلانیم منیم
.
ایران یولوندا جان وئروب عشقیله مهدی باکری…
گورنه حماسه خلق ائدوب، قاسمْ سلیمانیم منیم
.
هرکس باخور گلزارووه، داغ داشووه مبهوت اولور
حیران ائدوبسن عالَمی، ای باغ رضوانیم منیم
.
قربان یاشیل باغلارووه، جنّت سَراسن سربسر
مَسکن ائدوبدور طوسووی شاهِ خُراسانیم منیم
.
آرزیم بودور عمروم داخی بیرلحظه سنسیز اولماسین
سنسیز نه سَر واردور منه، واردور نه سامانیم منیم
.
هر تار و پودیم ای وطن، مدیونیدور تپراقووه
ایران آدین فریاد ائدور شریانداکی قانیم منیم
.
(فیضی) وطن حقّین ادا ایله آخیر بیتونده یاز
عشق وطنلن بسلنوب اشعار دیوانیم منیم
.
#وطن #فیضی_اردبیلی
#حماسی #انتقام_سخت
#ای_افتخاریم_ای_وطن_ای_شانلی_ایرانیم_منیم
#ترکی
.
✍️ #زبدةالاشعار ✍️
.
🆔: @nohe_torki