زبانحال حضرت زهرا سلام الله علیها
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
حاج حسن یعقوبی
.
ای امامتین آسمانینه
بیر مه منوّر عم اوغلی جان
آغلاما، گئجیله گونی منه
ایلمه برابر عم اوغلی جان
.
.
منده تا نفس وار بیله خیال
ایلمه وطنده غریب سن
فکریوه گتورمه کمکسیزم
ایل قبیله دن بی نصیب سن
من مریض عشقم منیم بو گون
درد عشقیمه سن طبیب سن
تاپشیروب امانت سنه منی
حضرت پیمبر عم اوغلی جان
.
.
ای وصیّ پیغمبر خدا
وی ولیّ خلّاق کردگار
ایمدی هوش آپاردی بابام گلوب
گوردوم عارضینده غبار وار
بار غم بوکوب گوردی قدّیمی
منده قالمیوب تاب و اختیار
گوردوم آغلوری، انتظاروام
سویلوری او سرور عم اوغلی جان
.
.
من شراب عشقین ازل گونی
نوش ایدوب او می مست مستیم
ظاهری جهانه گلوب سنون
رشته ی علاقنده بستیم
جور و ظلمیدن دل شکسته سن
منده سن کیم دل شکستیم
آتش غمون قلبیمه سالوب
سونمیَن بیر آذر عم اوغلی جان
.
.
آچمورام سوزون اوستونی نلر
چکمیشم یانوب درگهیم منیم
دوشموشم فشاره سخلدی چوخ
یاندی بو دل آگهیم منیم
ثانی ووردی سندی قاپی او دم
تار و مار اولوب خرگهیم منیم
آشیانیم اود دوتدی قوش کیمی
یاندی بال و پرلر عم اوغلی جان
.
.
من ریاض عشقونده یاعلی
دورت قزل گله باغبانیدیم
زحمتین چکردیم گئجه گونوز
دورت گلون، اوزوم شادمانیدیم
نه آنا نه باجی نه قارداشیم
وار اودور که من باغری قانیدیم
تک سنی بُلردی امید دل
روز و شب بو مضطر عم اوغلی جان
.
.
دوقّوز ایلده اولدی سنه منیم
هر نه قدر عفو ایله زحمتیم
دوقّوز ایل سنه همسر اولموشام
اوج ایدوب منیم شان و شوکتیم
خدمت ایلدوقجا سنه منیم
آرتدی حق حضورینده عزّتیم
گَل حلال ایله حقّیوی منه
ای بتوله سرور عم اوغلی جان
.
.
ایلرم سپر هر بلالره
سندن اوتری بو خسته جانیمی
قویمارام حسابه توکوبدولر
پشت درده توپراقه قانیمی
دوزمرم دیدیم حالینی گورم
منقلبدی روح و روانیمی
شاهد عرضیمون صدقینه اولار
ربّ حیّ داور عم اوغلی جان
.
.
غسل ویر گئجه دفن و کفنیمی
قبریمی ایله گیزلین آغلاما
دفن ایله بیر آز قبریم اوسته دور
عارضه دُر اشکی باغلاما
صبر ایله دایان هر مصیبته
هجریمه یانوب سینه داغلاما
آغلاسان مزار ایچره غملنَر
حالیوه بو مضطر عم اوغلی جان
.
.
دورت بالام آناسیز قالور منیم
دوت دله اوزون قویما آغلاسون
زینبیم دوزنمز فراقیمه
مانع اولما قوی قاره باغلاسون
مانع اول حسینیم گر آغلاسا
مندن اوتری او سینه داغلاسا
قبر ایوینده قلبیم یانار اولار
غملریم مکرّر عم اوغلی جان
.
.
دردی اولسا هر کیمسه نون اگر
عرض قیلسا گر شیر داوره
دردینه علاج ایلیر یقین
دیمیه داخی شخص دیگره
خدمت ایله #یعقوبی صدقیله
توشه اخذ ایله روز محشره
فاطمه دیه گوز تیکوب بیزه
حشریده بو نوکر عم اوغلی جان
.
.
#فاطمیه_شهادت
#ای_امامتین_آسمانینه
#یعقوبی
#ترکی
.
.
متن های پیشنهادی برای شما
اقول مبتداء بالکلامی بسم الله #حسینیه_دخیل
بسم الله در شهادت امام حسین (ع) و عاشورائیان . 
#زبدةالاشعار . 
: @nohe_torki . مرحوم دخیل . اَقول مُبتَدَاء بِالکَلامی بسم الله شَرَعت اَقرَءُ زَرء الکرامی بسم الله . بحول قوّۀ پروردگار حیّ و قدیم گلوب گینه الهبیشتر
دختر ختم پیمبردی خانم معصومه #حضرت_معصومه_هدایت_تبریزی
در مدح حضرت معصومه (س) . . . محمد هدایتی تبریزی . دختر ختم پیمبردی خانم معصومه ساقی کوثره دلبردی خانم معصومه . آتاسی موسی کاظم شرف موسویان قارداشی افسر و تاج سر ابرار زمان ئوزی الگوی برازندهٔ نسوان جهان صدف خلقته گوهردیبیشتر
سندِ ظالمین الیندن گلدیم الامانه الله #کاظمیه_اکبر_قنبری
زبانحال موسی بن جعفر (ع) . زبدة الاشعار . : @nohe_torki . #اکبر_قنبری تیکمه داش . سندِ ظالمین الیندن گلدیم الامانه الله یوخ دئین که رحم قیل بو پیر ناتوانه الله . . اون بیر ایلدی بو مکاندا مونسیم اولوبدی غملربیشتر
قبریوی ائدم زیارت دوشدوم اشتیاقه قارداش #اربعین_حمید_محرمی
اربعین . زبدة الاشعار . : @nohe_torki . حمید محرمی (نادم تبریزی) . قبریوی ائدم زیارت دوشدوم اشتیاقه قارداش یانمیشام بیر اربعین دور آتش فراقه قارداش . . شکر بینهایتیم وارلطف حق اولوبدی شامل اولموشام طواف قبر میربیشتر
من حسینم، زادهٔ شاه عدالت حیدرم – #حسینیه_فقیر_خویی
#من_حسینم … اتمام حجت حضرت سیدالشهدا علیه السلام . زبدة الاشعار ?: @nohe_torki . مجید قلعه بیگی ( فقیر خوئی ) . من حسینم، زادهٔ شاه عدالت حیدرم قهرمان بی بدیل عرصه گاه محشرم آسمانِ بی ستونه من ستونم لنگرمبیشتر
کیمدی دردانه رقیّه گل زیبای حسین #حضرت_رقیه_معزی_اردبیلی
معجزه حضرت رقیّه (س) . زبدة الاشعار . ?: @nohe_torki . مرحوم معزی اردبیلی . . کیمدی دردانه رقیّه گل زیبای حسین بنذیوب فاطمیه ماه دل آرای حسین عالی اجلالینه فخر ایتدی صبایای حسین دردمندانینه هر دوره دواخانه سی واربیشتر
نظر دهید