یازهرا(س)
.
.
.
شبگیر تبریزی
.
خامۀ زرّین نگاریم مدح اغیار ایلمز
غیر گلزار محبت سیر گلزار ایلمز
.
آشنای عشقدور همرنگ عشق مرتضی
مرتضائی کُرنش ارباب بیعار ایلمز
.
عاشقم عشقیمدی خلوتگاهیده الله عشق
اَللّهی عاشقدی غیره کشف اسرار ایلمز
.
سرّ سرّالسرّی عشّاق بلادیده بولر
عشقدور عشّاقی دنیایه گرفتار ایلمز
.
عشق خاتون قیامت عشقیمی تحسین ائدوب
عشق زهرائی اولان فکر سرِ دار ایلمز
.
فاطمه یعنی نمودار علی المرتضی
مرتضا دلبندی میل اؤزگه خمّار ایلمز
.
خانۀ زهرادی دارالعشق عشّاق ازل
اعتکافی ذوق جام حوض انهار ایلمز
.
عشق زهرادور طلای ناب کنز عاطفه
عاشق دُر ترک کوی درّ شهوار ایلمز
.
فاطمه یعنی علی المرتضی هو یا علی
ذاکر هو یا علی بیر اؤزگه تذکار ایلمز
.
حرز بازوی علی یعنی که نام فاطمه
مرتضی بی فاطمه خیبرده پیکار ایلمز
.
نام زهرا ذوالفقاری ایلییوبدور ذوالفقار
پنجۀ مولاده بیجا دفع اشرار ایلمز
.
خیبری یا فاطمه یا فاطمه فتح ایلدی
عرضیمی تکذیب جز عقل تبهکار ایلمز
.
جنگیده شیرخدا سسلردی یا زهرا مدد
التجا اغیاردن مردان دلدار ایلمز
.
مرتضی نفس محمد فاطمه نفس علی
نفی نصّ مصحفی جز قوم انکار ایلمز
.
فاطمه یعنی که طور ششم مولا علی
طور اخرایه علی موسانی رهوار ایلمز
.
فاطمه یعنی مبرّز ناطق نطق علی
حرز بازوی علی خوف ستمکار ایلمز
.
فکر احقاقیله بوبکری ائدوب مسجدده خوار
فکر احقاقه محقّق فکر گوشوار ایلمز
.
فاطمه یعنی بلاگردان صاحب ذوالفقار
حامی محض ولایت خوف مسمار ایلمز
.
آتش عشق ولیّ ذوالمنندن شعله ور
اعتنا بر شعلۀ سوزان دربار ایلمز
.
محسنی قربان وئرر احسانی پاینده ائده
فکر احسانی اولان ممنوع ایثار ایلمز
.
مرتضی امر محمددن تاپوب فیض سکوت
شیر یزدان خوف از روباه مکار ایلمز
.
#گریز #عباسیه_شهادت
.
ائتدی عبّاسی غنی فیض سکوت مرتضی
قطب عالمدن اودور سبقت علمدار ایلمز
.
حضرت عبّاس یعنی که مه پنج آفتاب
درک موضوع عمیقی عقل بیمار ایلمز
.
دامن زهرا سالوب سقّا قولین نه قوم دون
واصل برحق فکر طور و دیدار ایلمز
.
ساغری تا سیندی اولدی سرخ رو تر سرخ رو
سرخ رو فکر بهشت و جام گلنار ایلمز
.
حضرت عبّاسه اولدی اسم شب یا فاطمه
یوخسا رفرف اسم شب سیز سیر اقطار ایلمز
.
مقدم زهراده گؤردی تنگباری گؤزلری
تیر خورده چشم بیرده چشمی خونبار ایلمز
.
نازمان گؤردی اؤزون آغوش دلبرده که ترک
قطرۀ دریا دلی دریای زخّار ایلمز
.
ظاهراً دال ائتدی قد الف مهری هجر مَه
باطناً هجران مَه مهری نگونسار ایلمز
.
در حقیقت هجر دلبر وصل جاویدانه دور
وصل جاویدانه شه احوالینی زار ایلمز
.
وصل سقّادن یتوب شاهنشه ذوق و شعف
محرم بزم وَلَه پندار انکار ایلمز
.
حیدر کرّار تک اولدی سواره شهریار
بولدی عبّاسی تمنّای مددکار ایلمز
.
تلّدن اَندی امام العشق عشق حیدری
حیدر کرّار اوغلی منع کرّار ایلمز
.
سیف سیف الله گلدی جوشه سیف اللّهدن
ذوالجناحیندن ابا هر چند کفّار ایلمز
.
هفت سیندی چارلر هشت اولدی نُه ائتدی فرار
حسّ امنیّت جدلدن قوم غدّار ایلمز
.
الغرض نهر اوسته یتدی مهر بالین مَهَه
ماهدن مهر وَلا اسقاط انوار ایلمز
.
ائتدی فرمایش دُور ای شمس الحق اقمر قمر
شاهد الاّ المؤدة بیله ایثار ایلمز
.
قوللارون طومار عشقی قانیله ممهور ائدوب
دست دیگردن بلی تذهیب طومار ایلمز
.
افتخار فخر فخر احمد مختارسان
بیهُده بیر کیمسه نی فخّار فخّار ایلمز
.
بادۀ شبگیر زهرائی قدحده موج زن
عشق دیگر ساغر عشّاقی سرشار ایلمز
.
لافتا الاّ علی لاسیف الاّذوالفقار
ورد و ذکریمدور که فکریم مدح اغیار ایلمز
.
#فاطمیه_مدح
#خامه_زرین_نگاریم_مدح_اغیار_ایلمز
#شبگیر_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید