ای امام راسیتنیم #حیدریه_تائب_تبریزی

در مناقب حضرت علی (ع)
.
زبدة الاشعار
.
: @nohe_torki
.
مرحوم #تائب_تبریزی
.
ای امام راسیتنیم
قبله اهل یقینیم
دلده مهرون رکن دینیم
یا امیرالمؤمنینیم

.
.
چرخ دینین مه لقاسی
هر آییق دلده ولاسی
مهری هر دردین دو اسی
دلده ای مهر آفرینیم
.
.
یر یوزونده آسماندا
تحت وفوق کهکشاندا
هم نهاندا هم عیاندا
وار توّلاده يقينيم
.
.
ای اولان برحقّ مولا
ای اولان هر نفسه اولا
مهری ناپیدا و پيدا
دين ده رکن رکینیم
.
.
خط مشیون شاهراهیم
یوخ سوزومده اشتباهیم
رمز لطفون عروجاهیم
یعنی سنسَن آن و اینیم
.
.
الده وار صهبای عشقون
مست ایدوب سودای عشقون
دل اولوب مأوای عشقون
ای منیم عشق آفرینیم
.
.
سن یگانه رهبریم سن
تاجداریم سروریم سن
دائما زیب بریم سن
مهرون اولموش هم نشینیم
.
.
واردی دامانوندا چنگیم
یوزده یوخدور گرد ننگیم
تاپمیوب تغییر رنگیم
لکه آلماز آستینیم
.
.
گلدی مهرون گلشنیمده
عطری وارجان وتنیمده
عشقون اولموش گردنیمده
رشته حبل المتینیم
.
.
قبله میز دور زادگاهون
دلگشادور بارگاهون
لطف ایدوب بو عزّ وجاهون
ذات ربّ العالمینیم
.
.
ایتدی خاقانی تقاضا
نظم اولونسون مدح مولا
یازدی تائب اولدی گویا
یا امیرالمؤمنینیم
.
.
چوخ دوشوب تائب فشاره
بیر نظر ایتسن نظاره
ایلسن بو درده چاره
بو سوزه واردور یقینیم
.
.
#حیدریه_مدح
#ای_امام_راسیتنیم
#ترکی
.
#زبدةالاشعار
.
: @nohe_torki