ای اهل کوفه رحم ایدون عطشاندی اصغریم #اصغریه_سعدی_زمان

آب خواست حضرت ابی عبدالله (ع) برای طفل شیرخوار خود
.
.
مرحوم سعدی زمان
.
.
ای اهل کوفه رحم ایدون عطشاندی اصغریم
بیر شربه سو ویرون سیزه مهماندی اصغریم
.
پیغمبرین سلاله سیدور نوگل بتول
گلزار عشقه بیر گل خنداندی اصغریم
.
سو کافره مباحدور آل اللهه حرام؟
بیر سود امر اوشاقدی مسلماندی اصغریم
.
گورمورسوز آنّینا دوزولوبدور ئولوم تری؟
جان اوسته دور ترحّم ایدون یاندی اصغریم
.
گون ایستیسی سوسوزلوق اوتی طاقتین آلوب
ظلم آتشیله سینه سی سوزاندی اصغریم
.
بیر جرعه سو بو ایچسه مگر قورتولار فرات؟
دریایه یوخسا علّت نقصاندی اصغریم
.
فکر ایلوسوز سوئی من اوزوم ایستورم ایچم؟
سیراب اولماقا منه عنواندی اصغریم
.
مندن گلون آلون بونی سیراب ایدون اؤزوز
ای جمع سست عهد پریشاندی اصغریم
.
قرآنه معتقدسوز اگر ای گروه کین
اسلامیانه صفحۀ قرآندی اصغریم
.
قرآن ناطقم اؤزوم اولاد فاطمه
قرآنه آند اولا یانور اودلاندی اصغریم
.
دینوزده اولماسا اگر آزاد مرد اولون
لب تشنه اهل بیتیمه میزاندی اصغریم
.
جدّون حسینون اؤز سوزیدی ای «حسینی» بو
ای اهل کوفه رحم ایدون عطشاندی اصغریم
.
.
#اصغریه #سعدی_زمان #اصغریه_شهادت #ترکی #زبدةالاشعار