کیمسن یارالی بو قدر عدوان آراسیندا #حسینیه_کاتب_اردبیلی

حالات جوان نصرانی در قتلگاه
.
.
مرحوم کاتب اردبیلی
.
.
کیمسن یارالی بو قدر عدوان آراسیندا
جسمون بویانوب قانیوه میدان آراسیندا
.
.
گر حضرت آدم سن ایا شاه لب عطشان
آدم هاچان اولموشدی بیله قانینه غلطان
بو سرّ خفی ایتدی منی واله و حیران
مبهوت دایاندیم بو بیابان آراسیندا
.
.
گر نوح دگولسن بو نه طوفاندی دوشوبسن
امّتلریون ظلمی نمایاندی دوشوبسن
قان موجه گلوب لجّۀ عماندی دوشوبسن
قالمیش بدنون بیر بیله طوفان آراسیندا
.
.
ابراهیمه بنزتسم اگر من سنی ای شاه
ناحق دیمیشم بندیه عصیاندی بو باالله
گر چه اونی اودلاره آتوب فرقۀ گمراه
اودلار اونا گل اولدی گلستان آراسیندا
.
.
سن عیسی مریم سن و یا حضرت موسی
نی نی غلط ایتدیم دگوسن هیچ بیری حاشا
سن رتبه ده اولماز نه کلیم و نه مسیحا
قالمیشدی هاچان سن تک اولار قان آراسیندا
.
.
گورموب بو قدر یاره نی ایّوب جهاندا
صبر ایلمدی سن کیمی یعقوب جهاندا
هیچ پادشه اولموب بیله مغلوب جهاندا
یوخ سن تک ئولن عالم امکان آراسیندا
.
.
تشبیه ایلسم حضرت یحیایه سنی من
یحیانون هاچان پیکرینی دوغرادی دشمن
قربان دیلیوه سن اؤزون اظهار ایله کیمسن
جرمون ندی بو ملّت نادان آراسیندا
.
.
کاتب متوسل اول همیشه حسنینه
دنیاده نقدر عمرون اولا آغلا حسینه
قربان او شهه گتدی نصارالری دینه
اسلامون اوجالدى آدین ادیان آراسیندا
.
.
#حسینیه #کاتب_اردبیلی #حسینیه_شهادت #ترکی #زبدةالاشعار #جوان_نصرانی #اصحاب_الحسین