#حیدریه_شام_غریبان
شام غریبان حضرت امیرالمومنین علیه السلام
.
.
#سبک_شهریاریمسن_آقا … #سبک_یارالی_جان_یارالی … #سبک_کربلا_منتظر_ماست …
.
.
مصیبی تبریزی
.
.
نئجه قان آغلاماسون شیعۀ مضطر بوگئجه
کی وُرور باشینه گویلرده ملکلر بوگئجه
((شهریاریمسان علی – عزّو وقاریمسان علی
افتخاریمسان علی – یارالی یارالی))
.
.
.
نئجه شقّ القمر اولموشدی شهادت سحری
بوگئجه دوشدی محاقه او عدالت قمری
صرصر غمله گئدوب گلشن عشقین ثمری
نئجه قان آغلاماسون شیعۀ مضطر بوگئجه
.
.
.
بو گئجه بادۀ غم جوششه ساغرده گلوب
چکیلوب قاره گویه نالیه یرلرده گلوب
عرش اعلاده کی سُکّان حرم درده گلوب
نئجه قان آغلاماسون شیعۀ مضطر بوگئجه
.
.
.
بوگئجه ختم رُسُل صورته گوز یاشین الر
زینبین ناله لری سینۀ آفاقی دلر
بو حسینون بوکولن قامتی بیرده دوزَلر؟
نئجه قان آغلاماسون شیعۀ مضطر بوگئجه
.
.
.
بوگئجه یاتدی یره عدل و عدالت علمی
کوفه شهرینده اولوب محشر عظما علنی
زینبین گوزیاشینی بیر نفر اولموب سیلنی
نئجه قان آغلاماسون شیعۀ مضطر بوگئجه
.
.
.
بوگئجه توکدی یوزه فاطمه اشک بصری
کی محاقه دوشنوب برج عدالت قمری
یوزه قان آغلیوری شیعۀ اثنا عَشَری
نئجه قان آغلاماسون شیعۀ مضطر بوگئجه
.
.
.
بوتراب ایلیوری خاک آرا مسکن بوگئجه
نوح قازمیش یر اولورحیدره مدفن بوگئجه
گینه زینب ائدوری قاره نی برتن بوگئجه
نئجه قان آغلاماسون شیعۀ مضطر بوگئجه
.
.
.
نار غمله یاراشار شمعه بویانماق بوگئجه
عشق پروانۀ جانسوزیله یانماق بوگئجه
سپیلوب شیعه لرین باشینه توپراق بوگئجه
نئجه قان آغلاماسون شیعۀ مضطر بوگئجه
.
.
.
گل ستان بشریتده صولان یاسه باخون
آلیشان آتش حِرمانیده احساسه باخون
بیر طرفده ئورگی قان اولان عباسه باخون
نئجه قان آغلاماسون شیعۀ مضطر بوگئجه
.
.
.
گینه لوح اوسته گلوب جوشه «مصیب» قلمی
یازاجاقدور او قدَر تا اوجالا دین علمی
گله زهرا بالاسی خاک ائده قوم ظُلَمی
نئجه قان آغلاماسون شیعۀ مضطر بوگئجه
.
.
#حیدریه
#حیدریه_شهادت
#نئجه_قان_آغلاماسون_شیعه_مضطر_بو_گئجه
#مصیبی_تبریزی
#ترکی
#زبدةالاشعار
نظر دهید