ای اولان قانه غلطان حسینم #تنورخولی_حسنی_تبریزی

تنور خولی
.
✍️ #زبدةالاشعار ✍️
.
🆔: @nohe_torki
.
حاج حسین حسنی تبریزی
.
ای اولان قانه غلطان حسینم
ای تنور ایچره مهمان حسینیم
.
.
توش ایدوبدور قضا یاری یاره
چکدی عشقون منی بو دیاره
حیف اولا واردی سینمده یاره
بو یارادان گلر قان حسینیم
.
.
بسلدیم بو باشی من دل اوسته
خاره یالوارموشام بو گل اوسته
باشوی کیم قویوبدی کول اوسته
جسم زهراده ای جان حسینیم
.
.
ای اولان عالمه نور دیده
آچ گوزون گلموشم بازدیده
لعنت حق گلیدی یزیده
قویدی زهرانی گریان حسینیم
.
.
گر چه سولموش سوسوزدان دوداقون
گل دیله بیر دانشدور قوناقون
چوخ چکللر بالا اشتیاقون
ائتگلن بیر سوز عنوان حسینیم
.
.
ای سپهر ادب آفتابی
ای اولان ابر تک کول حجابی
سسلرم من سنی یوخ جوابی
قالموشام گور نه گریان حسینیم
.
.
هئچ کیمون دردی زهرایه چاتماز
گور نجه خون دل اشکه قاتماز
یاتموسان یاخشی زهرا اویاتماز
زلفون ایلر پریشان حسینیم
.
.
گور آناوا غمون نسگل اولماز
هجرون آیا منه مشکل اولماز
مرحمی هیچ یارانین کول اولماز
کیم گوروب بیله درمان حسینیم
.
.
سالدى عشقون منی چوخ بلایه
چکدی آخر اوغول کربلایه
آهیم اوج ایلدی نه سمایه
نعشوی گوردوم عریان حسینیم
.
.
وئر جواب ای اوغول باغرى قائم
بیر دانشدور سنه میهمانم
زینبیمدن ولی ناگرانم
تک قالوب سینه سوزان حسینیم
.
.
ایندی غمله هم آغوش اولوبدی
قمچیلردن سیه پوش اولوبدی
آیری بیر محنته ترش اولوبدی
وردی اولموشدی هر آن حسینیم
.
.
هر بالا قیز نوایه گلنده
چوخ یانار راز قلبین بیلنده
غملنر اشک چشمین سیلنده
نی کیمی ایلر افغان حسینیم
.
.
.
.
.
#تنورخولی_حسنی_تبریزی
#ای_اولان_قانه_غلطان_حسینم
#ترکی
.
✍️ #زبدةالاشعار ✍️
.
🆔: @nohe_torki
.