کوچ از کربلا
زبانحال حضرت زینب (س)
.
✍️ زبدة الاشعار ✍️
?: @nohe_torki
.
حاج حمید زرّین قلم
.
گلزاریده هیچ سرو خرامان بیله یاتماز
هیچ یاره لی، زینب سنه قربان بیله یاتماز
.
ای مهر درخشندۀ گردون امامت
گوندوز گوزی خورشید درخشان بیله یاتماز
.
ای مملکت عشقده سلطان سلاطین
سلطان جهان خسرو خوبان بیله یاتماز
.
فرمانده چرخ فلک و مُلک و ملائک
تاج سر بلقیس و سلیمان بیله یاتماز
.
گلزار ایلیین آتش نمرودی خلیله
تپراقلارین اوستنده لب عطشان بیله یاتماز
.
مصباح هُدی فُلک نجات بشریت
گرداب ده هنگامۀ طوفان بیله یاتماز
.
بیدار ایلیین عالمی غفلت یوخوسوندان
آفاقی قویوب واله و حیران بیله یاتماز
.
زهرا آنامین سینه سینه ناز ایلیین گل
بو آتش سوزانیده عریان بیله یاتماز
.
سن هاردا بو نوعیله یاتاردون اوزون اوسته
قطب فلک عالم امکان بیله یاتماز
.
چوخلار یوزی اوسته یخیلار جنگ و جدل ده
اما یارالی سرور دوران بیله یاتماز
.
چوخ یاره لی لر قانینه غلطان یخلوبدی
هیچ یاره لی هیچ قانینه غلطان بیله یاتماز
.
دعوا گونی چوخ سینه ده پیکان یاتار اما
هیچ سینه ده اوچ شعبه لی پیکان بیله یاتماز
.
قالمیش اتگیم جمع پریشانین الینده
غمخوار و پرستار یتیمان بیله یاتماز
.
هیچ کس بالالار نازینی سن تک چکه بولمز
دردانه سی گریان و پریشان بیله یاتماز
.
چوخ گُل سولار اما بو رقیّه کیمی سولماز
آرام دل غنچۀ نالان بیله یاتماز
.
دور شامه گیدیر زینبون آواره لریله
آواره لره یار و نگهبان بیله یاتماز
.
دوران دولانوب عمر گرانمایه قوتولدی
«زرین قلم» عاقل اولان انسان بیله یاتماز
.
#کوچ_کربلا
#گلزاریده_هیچ_سرو_خرامان_بیله_یاتماز
#زرین_قلم
#ترکی
.
✍️ #زبدةالاشعار ✍️
?: @nohe_torki
نظر دهید