زبانحال امام (ع) در بالین حضرت ابوالفضل العباس علیه السلام
.
.
.
#سبک_بیا_یابن_الحسن_آرام_جانم … 3 سبک … #سبک_کجایید_ای_شهیدان … #سبک_جوشی_زنجیر
مشابه
.
.
.
مرحوم حسینی سعدی زمان
.
.
دور ای میدان جنگین شیری قارداش
حسینون قان توکن شمشیری قارداش
((گوزوم یاشی دایانماز
منه رحم ایله بیر آز
سنون بو اولمگیوی
رقیّم هیچ اینانماز
اویان یاتما منیم روح روانیم
اویان یاتما منیم آرام جانیم))
.
.
پناهی ای پناه عالمینون
یانور قلبیم گورنده شور و شینون
سنه قربان اولا جانی حسینون
آتام شیر خدا تصویری قارداش
.
.
الون اولسیدی ایتمزدی جسارت
سنه بیر پهلوان وورسون جراحت
ولیکن سندن آلدی استقامت
بو قومین حیله و تزویری قارداش
.
.
قاچان روباه تک ای شیر سندن
حیا ایتدی نه زهرادن نه مندن
کمین ایتدی قولون سالدی بدندن
دوشوب شیرین یره شمشیری قارداش
.
.
نجه توکمز گوزوم رخساره قانیاش؟
دونوب قلبیم غمونده قانه قارداش
ووریدی حرمله قلبیمدن ای کاش
سنون آنونداکی بو تیری قارداش
.
.
گونوم شام اولدی غم گوندوزلروندن
دانیش قلبیم آچیلسون سوزلروندن
اوپوم حیدر باخیشلی گوزلروندن
آزالدیم ناله شبگیری قارداش
.
.
رخ ماهون چکوب قان سرخ پرده
گتوردی انجم افلاکی درده
بلیم سیندی الیم قالدی کمرده
عیاندور حالیمون تغییری قارداش
.
.
الینده بوش سو جامی خیردا قیزلار
توکر قان یاش یوزه نی تک سیزیلدار
بولورسن ایلسم بو حالی اظهار
اولار قیزلاردا نه تاثیری قارداش
.
.
بلونسه گچموسن الدن علمدن
چیخار شیونگویه اهل حرمندن
بنات هاشمیه بو ستمندن
اولار صیاد غم نخجیری قارداش
.
.
مواساتین مقامات برینین
نشان ویردون بولوندی قدری دینین
حلال اولسون آنان ام البنینین
سنه جان شیره سیندن شیری قارداش
.
.
عجب طی ایلدون سن عشق راهین
چوخاتدون اهل عشقین عز و جاهین
ولی سنسیز داخی بو بی پناهین
کسیلدی چاره و تدبیری قارداش
.
.
گوروم نابود اولا بو اهل کوفه
بنی هاشم آیین سالدی خسوفه
دوشر شمس امامتده کسوفه
اولار قانلو قوما تعفیری قارداش
.
.
جوانلیقدان «حسینی» عاشقانه
ائدوبدور خدمتین بیز خاندانه
اونی پیر ایلیوب دورِ زمانه
فراموش ائتمرم بو پیری قارداش
.
.
#عباسیه_شهادت
#دور_ای_میدان_جنگین_شیری_قارداش
#آثارالحسینی1 ص 176
#ترکی
#زبدةالاشعار
نظر دهید