ای اولان مظهر پیغمبر اوغول #اکبریه_غمناک_تبریزی

وداع حضرت علی اکبر(ع)
زبانحال مادر
..
..
..
#سبک_گل_عموغلی_باشیمی_آل_دیزیوه
..
..
..
مرحوم غمناک تبریزی
..
..
..
..
ای اولان مظهر پیغمبر اوغول
دورما گیت گوزلوری بو لشکر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
باخما بی کس آناوا ایتمه خیال
گورموسن ویرموری بو شمر مجال
گیت دایانما کچوری وقت جدال
قاتلون چون یولوی گوزلر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
توکمه چوخدا یوزیوه اشک ترون
بسدو گوردون علی جان عمه لرون
دورما گیت بذل ایله تا جان و سرون
قوی باتا قانیوه بو پیکر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
راضیم دوغرانا بو گل بدنون
بویانا قانویله پیرهنون
خس و خاشاک اولا تا که کفنون
جسمیوه توپراق اولا بستر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
زحمتون چکدوم اوغول صبح و مساء
ایله دیم ایللریله آه و نوا
بیربئله گونده ویرم حقه فدا
حسرتون تا که چکه هاجر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
گل ایدوم زلفوه بیر شانه بو گون
ایله سون عالمی دیوانه بو گون
سنده گیت شوقیله میدانه بو گون
قوی منه مسکن اولا چوللر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
گورسم آغشته قیزل قانه سنی
نیلرم کان عقیق یمنی
بسدو بو فخر رسول مدنی
گوره باشیمده قرا معجر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
وار یری ایندی منه ناز ایده سن
دم هجران ایله دمساز ایده سن
گیت آنان بلکه سرافراز ایده سن
نیزیه باشون اولا همسر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
چون ویروب حق بیله تقدیر منه
وورالار ظلمیله زنجیر منه
خوش گلور نالۀ شبگیر منه
آغلیام آدون اولا ازبر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
خوش گلور درد غم عاشق اولانا
دوشه معشوقه دالنجا دولانا
دولانوب چوللری زلفین یولانا
تازیانه وورا دشمن لر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
..
اولماسا عاشق رسوای جهان
اولماز عشقینده اونون عزت و شأن
ایتمسه گر سنه «غمناک» فغان
اولماز آسوده دم محشر اوغول
ای منه یاور اوغول
شبه پیغمبر اوغول
یری قربان بویوا
قالدیم حسرت تویوا
..
..
..
#اکبریه #غمناک_تبریزی #اکبریه_شهادت #ترکی #زبدةالاشعار