نماز اوسته سجده حالینده باتدی مرتضی قانه #حیدریه_بیضایی

حالات حضرت علی (ع)
..
..
..
#سبک_خداحافظ_ای_آنام_باجی …
#سبک_شیرین_سوزوم_آیدین_اولدوزوم …
#سبک_عم_اوغلی_چوخ_گل_سارالار
..
..
بیضایی
..
..
نماز اوسته سجده حالینده باتدی مرتضی قانه
یخیلدی محرابه لافتی گلدی عالم افغانه
باتدی مرتضی قانه
باتدی مرتضی قانه
..
..
مرادی وردی اونا یارا سالدى عالمه طوفان
باشیندا یاره على دوشوب گل یوزی اولوب آلقان
آلوبدور اطرافین آغلوری شیعه دیده سی گریان
توکورله گوز یاشی صورته عاشقان یانا یانه
..
..
حسن دیز اوسته آلوب باشین سیلدى النینون قانین
حسینده بیر یاندا آغلیور غم توزی آلوب جانین
تلاش ائدور مجتبی تاپا بلکه درده درمانین
نه غمدی بو ایلیور اثر هر زماندا انسانه
..
..
هواده سسلندی جبرئیل وئردی عالمه اعلان
یخیلدى ركن هدا یره ئولدی ناطق قرآن
عدالتون سیندی پایه سی صولدی هیکل ایمان
مرادی وردی بویوک یارا سجده ده او جانانه
..
..
توكولدی انصاری مسجدده ائتدیلر نوا شاهه
آلوبلا اطراف رهبری یالوارورلا اللهه
ائدورله لعنت مرادی تک طیف قوم گمراهه
آلوبدی غم شهر کوفه نی اود سالوب خبر جانه
..
..
یتوب خبر غملی منزله زینبین ائدوب ناله
اورکلره بو محن سالوب غم توزی کیمین هاله
توکورله گوز یاشی گل یوزه آغلیورلا احواله
نوای غم عرشه اوج ائدور بارگاه رحمانه
..
..
خرابه لرده باخوب یولا بینوالر آغلاردی
عذارینه گوز یاشین هامی شیونیله باغلاردی
یتیمیلر شاه خیبره سینه سینی داغلاردی
دئیر بو بیضائیده بو گون نوحه شاه خوبانه
..
..
#حیدریه #بیضایی #حیدریه_شهادت #ترکی #زبدةالاشعار