ای باشی جسم سیز ،بدنی بی سریم بابا #راه_شام_دخیل

راه شام
زبانحال حضرت سکینه سلام الله علیها
.
زبدة الاشعار
.
?: @nohe_torki
.
مرحوم دخیل مراغه ای
.
ای باشی جسم سیز ،بدنی بی سریم بابا
دیندیر منِ فلک زدنی یاوریم بابا
.
هرچند آغلارام غم اودی شعله ور اولور
جاری اولور یوزیمه بو اشگ تریم بابا
.
عریان دوه،ضعیف بدن،منزلیم اوزاق
هانسی جفایه تاب ائلیم سروریم بابا
.
ایندی شرار آهیله افلاکی داغلارام
چون یادیمه دوشوبدی عزیز گؤنلریم بابا
.
زرپوش محمل ایچره چیخاندا مدینه دن
دورم آلوب تمام برادرلریم بابا
.
گاهی اؤزون قوجاقه آلاردون گهی عموم
گاهی علی اکبر گل پیکریم بابا
.
چادر شبیم حریریدی،زرتار معجریم
یوزده نقاب، باشدا ایپک معجریم بابا
.
گؤرسیدی گون دوشوب باشیما احترامیلن
زلفین آچاردی چتر کیمین اکبریم بابا
.
ایندی نظاره قیل منه گؤر خوف شمردن
نه عمه لر باخور منه ،نه خواهریم بابا
.
گؤرّم که گلدی شمر چکوب تازیانه سین
دورّام او وقته لرزه دوتار پیکریم بابا
.
پشت جهاز بستر و کوهانی بالشیم
تک بیر گئجه گئدوب یوخیا گوزلریم بابا
.
از بس که شمر سیلی ویروب اود دوتوب یوزوم
آغریر یئری ،یوزومده قالوب اللریم بابا
.
چوخ اینجیوب،کسوب قولومی ایپ اجازه وئر
عباس عموما ایپ یئرینی گؤستریم بابا
.
.
#راه_شام
#ای_باشی_جسم_سیز_بدنی_بی_سریم_بابا
#دخیل
#ترکی
.
#زبدةالاشعار
.
?: @nohe_torki