بسته شدن راه فرات
.
.
احمدیان خسروشاهی
.
.
باغلادی راه فراتی آل بوسفیان باجی
قالدى آل مصطفی بو دشتیده عطشان باجی
ای غمکش دوران باجی
.
.
گور نجه جور و جفا بو گردش دوران وئرور
کینه سین باجی بروزه لشکر عدوان وئرور
ایمدیدن ظلمین گروه اشقیا اعلان وئرور
بی مروتلر ائدور چوخ ظلمده طغیان باجی
.
.
ابن مرجانه باجی سعد اوغلونا فرمان یازوب
باغلاسون هم سو یولون هم قتلیمه عنوان یازوب
جسمیمی قیلسون بو لشکر خاکیله یکسان یازوب
امرینه ایلر یقین بو اشقیا اذعان باجی
.
.
موج ائدوب بو چولده سو صحرایه دریا تک آخور
تشنه لیق اطفال زاری یاندیرور اما یاخور
خوردا قیزلار اصغرین سولموش عذارینه باخور
غنچه تک ایلور عطش اطفال قلبین قان باجی
.
.
وار تحمل منده موج ائتسه بلا دریا کیمی
من خلیل کربلایم هاجریم لیلا کیمی
بیر فدا وئرّم لب عطشان مظهر طاها کیمی
کربلا کوه منایه فخر ائده هر آن باجی
.
.
قاسمه طوى باشلارام تا وار بو عالم ذکر اولا
ایله بیر طوی که هامی گوزلر سرشکیله دولا
نوعروسین گل یوزی غمدن قیزیل گل تک سولا
تازه دامادون گرک اولسون حناسى قان باجی
.
.
غش ائدر اصغر سوسوزدان یوخ توانی تاب ائده
گه دیر لای لای آناسی بلکه بیر دم خواب ائده
اللریم اوسته آپارّام کوفیان سیراب ائده
سو وئرر اول طفل زاره بیر سولی پیکان باجی
.
.
خیمه دن میدانه بیر باش تشنه سرداریم گئدر
ائتماقا بیر مشک سو تحصیل علمداریم گئدر
ال وئرر سو اوسته الدن نظم پرگاریم گئدر
اوستومه ایلر جسارت لشکر عدوان باجی
.
.
جسمیمه چوخ نیزه و خنجر وورار قوم کَفَر
باشیمی عطشان قفادن شمر کین پرور کَسَر
هر قدر عجز ایله سن اصلا سؤزون ائتمز اثر
باشیمی تندن جدا ایلر او بی ایمان باجی
.
.
جسمیمی کفار کوفه اوخلارا آماج ائدر
خیمه و خرگاهیمی بی شرملر تاراج ائدر
سیزلری خوش روزگاره اهل کین محتاج ائدر
ظلمده قویمازلا قالسون کوفیان نقصان باجی
.
.
نوکریمدور «احمدیان» ایلوری خدمت مدام
آستانیمده منیم نوحه یازاندور صبح و شام
خدمتینده صدقیله ایلر همیشه اهتمام
قوّه وئرّم طبعینه نوحه یازا آسان باجی
.
.
#فرات #احمدیان_خسروشاهی #ترکی #زبدةالاشعار
نظر دهید