زبدةالاشعار

باجیوی شامه علی گرچه بو زنجیر آپارور #راه_شام_طوری_تبریزی

راه شام
زبانحال حضرت سکینه سلام الله علیها
.
.
#سبک_یارالی_جان_یارالی … شهریاریمسن … کربلا منتظر …
.
.
مرحوم حسین طوری تبریزی
.
.
باجیوی شامه علی گرچه بو زنجیر آپارور
جذبۀ عشق چکر، زلف گره گیر آپارور
.
.
ایستدی قدرتینی گوستره خلّاق ازل
ایلدی سلسلۀ هاشمی خلقتده گوزل
سنیدون جدّیوه بو سلسله ده مثل و بدل
عشقیوه سلسله بندم منی تصویر آپارور
.
.
مکتب غمده وفا درسینی مشق ایلمیشم
لوح حسنونده باخوب خطیوه عشق ایلمیشم
مشق تحصیله دوشوب عزم دمشق ایلمیشم
خِطّۀ شامه منی اول خط تحریر آپارور
.
.
عالم ذرّیده ارواحه یتن دمده خطاب
روح لر اولدولا بی روح حسین ویردی جواب
اولدی تقدیر مقدّر، یازیلوب امّ کتاب
نیزه باشینده آتام باشین او تقدیر آپارور
.
.
سالدی عشق عالمی عالمده بلایه باشیوی
گتدی عنوان بیله مصداق منایه باشیوی
سربلند ایلماقا ووردی جدایه باشیوی
حق باشون مجلس ناحقّه او تدبیر آپارور
.
.
نیزه باشیندا او بیر باش که اَنَا الحق دانیشور
حقّی اثبات ایلیوب حقّیده مطلق دانیشور
فعل ماضینی مُضارعده محقّق دانیشور
امر مجهولی کتاب اهلینه تفسیر آپارور
.
.
کربلایه منی گتدون سن علی عزّتیله
شوکت و جاه و جلال و خدم و خدمتیله
ایمدی سرّی ندی بس سن باخوسان ذلّتیله
قولی باغلی منی بو شمر خداگیر آپارور
.
.
نرگس مستون عجب ایلدی مستانه منی
ایتدی مجنون کیمی سرگشته و دیوانه منی
گوز تیکوبدور یولوما گوزلوری ویرانه منی
منی معمار قدر ایتماقا تعمیر آپارور
.
.
بلبل عشقم علی ایمدی چمن سیزلمیشم
گلیمه یتمور الیم، سرو و سمن سیزلمیشم
اگ باشون نیزه دن آخِر علی سن سیزلمیشم
گور بو بیر کلمه نه اندازه ده تقریر آپارور
.
.
بو گوزون یاشی که #طوری گوروسن شوردی بو
سالما گوزدن اونی، اهل نظره نوردی بو
یوزه جاری ایله، محشر گونی منظوردی بو
نیکبخت اوردا اودور گوزیاشین اکسیر آپارور
.
.
.
.
#راه_شام
#باجیوی_شامه_علی_گر_چه_بو_زنجیر_آپارور
#طوری_تبریزی
#ترکی #اکبریه_شهادت
#زبدةالاشعار

متن پیشنهادی:  اوج ائتدی شام شوم دن افلاکه غلغله #کوچ_شام_سهیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی