شهادت حضرت قاسم (ع)
..
..
رضا غلامپور (دلپاک)
..
..
ای تجلی وفانین دهریده نماسی قاسم
هر بلادن آرتیخ اولدی باشوین بلاسی قاسم
..
..
سن تکامل شعوره بیر نمونه خوش اثرسن
همتون ورای فکرت عزتونده معتبرسن
مرحبا کی بو سفرده دائم ائیلدون خطر سن
قوخمادین کی بو طریقون واردی ابتلاسی قاسم
..
..
گول گورر مدام اذیت گلستاندا خار و خسدن
سنده اینجیماق عیاندور دلده کی بو خسته سسدن
قویما تک منی بو چولده دوشمه تئز بئله نفسدن
که گلور بو خوش نفسدن ذات حق ثناسی قاسم
..
..
چاتموسان مرامه قلبون قان ایچینده دینجلیبدی
تیر غم غمونده اما قلب عالمی دلیبدی
دورموسان نه دن ایاقه گورموسن عمون گلیبدی
سویلوری که یا رب ئولدی قارداشیم بالاسی قاسم
..
..
آچماقا گوزون دوباره حقلیسن چالیشماسان سن
ئولدورر اؤزون حرملر تلین اوستن آشماسان سن
نیلرم اگر منیله دل آچیب دانیشماسان سن
کی تسلی اورکدور لحنوین صداسی قاسم
..
..
دوندی گوندوزوم گوزومده گورجاقین بو حالی شامه
گرچه واقفم کی یوخدور دیزده طاقتین قیامه
یاتما نازیلن بو یئرده دور گئداخ ولی خیامه
گوزلور ی یولون خیمده محنت آشناسی محنت
..
..
گوئیای غیرتیندی عرصه ی جدلده ردین
اولدی باشوین یاراسی قامت الفده مدین
تا کشیده لندی یئرده قد آچیب یئر اوسته قدین
بو نه قدیدور اوجاتمیش تیغ کین جفاسی قاسم
..
..
بوشتابیلن یارالی سمت ارتحاله قاچما
ساچ دئمه م کی غم خدگین قلبیمه بو نوعی ساچما
لیک بیر بئله ایاقین یئره ییغما یئرده آچما
کی آچیب ییغاندا جسمون قان وئریر یاراسی قاسم
..
..
تا سسون اوجالدی گلدیم ائیلین سنه من امداد
بو یئره یئتنده گوردوم زلفووی دوتوبدی جلاد
جهد ائدنده امر ذبحه ناقص اولدی امر بیداد
ضرب تیغیم اولدی چون کی ظلمونون جزاسی قاسم
..
..
پیر عرصه ی شجاعت اولموسن اون اوچ یاشیندا
بی نظیردور بو غیرت جمع یارو یولداشیندا
گل دله منه بیان إئت بو نه یاره دور باشیندا
وار بو یاره نین مسلم آیری ماجراسی قاسم
..
..
سن اوزون کی شاهدیدون ای ملالی درد اعظم
اکبری نه نوعی گئتدیم خیمه گاهه وقت ماتم
ممکن اولسا سن اوزون دور تا گئداخ خیامه باهم
چون کی یوخدی بو غریبین آیری بیر عباسی قاسم
..
..
باشین اوستونه گلنده گوزده اشک دلده محنت
قویمادی منه هویدا گوزیاشی اولا بو حالت
بو وجود نازنینه ناگهان ائدنده دقت
بس دئدیم قالیر سلامت جسموین هاراسی قاسم
..
..
رزمیده دگر سوزوم یوخ جسم رزمکاره یاره
جنگ ائدن بولور کی اولماز جنگیده بو امره چاره
من نجه دئیوم یارادو کی اولوبدی پاره پاره
قوم بد سگال الینده پیکرون نماسی قاسم
..
..
عالم ایچره اکبریم تک قلبیمین صفاسی سن سن
بعضی غصه واردی چکدوق محنتین جهاندا من سن
قوی باخیم سنه دویونجا که نشانه ی حسن سن
نه حسن کی سنده واردی حسنونون صفاسی قاسم
..
..
شاه ملک عشقه دلپاک ائتدی تا بیان حاجت
نچه ائیل قاباق دیارکربلایه اولدی دعوت
وار نیازی بیرده ائتسون شاه عالمی زیارت
چون گینه دوشوبدی با‌شه کربلا هواسی قاسم
..
..
#قاسمیه #دلپاک #قاسمیه_شهادت #ای_تجلی_وفانین_دهریده_نماسی_قاسم #ترکی #زبدةالاشعار
.
نظر دهید