ای تربت پاکی اولان کیمیا مولا #کربلا_رضوی_زنجانی

آرزوی زیارت کربلا
..
..
..
#سبک_بزم_عزاده_گیمیشم … #سبک_ممد_نبودی_ببینی … #سبک_ای_دلبر_آزادگان
..
..
..
رضوی زنجانی
..
..
..
..
..
ای تربت پاکی اولان کیمیا مولا
دللرده واردی حسرت کربلا مولا
دیلیمون ازبری
عشقیمون کشوری
کربلا کربلا
کربلا کربلا
..
..
..
..
..
اولموش آدین ورد زبان، ای حسین جانم
یتمش گوله ای باغبان، ای حسین جانم
ایسته گلاق بیز مهمان، ای حسین جانم
ایله برات کربلا سن عطا مولا
..
..
..
..
..
دریا کیمی دلده گلر حسرتین جوشه
مهمان اولوب آلّوق هاچان قبرین آغوشه
اولمور ندن قسمت بیزه قبر شش گوشه
ای تربتی بو گوزلره توتیا مولا
..
..
..
..
..
بوغمده احبابین گوزی اشگیله دولموش
حسرت گولی دللرده بیر گور نجه صولموش
هجرینده واللهی اورک لخته قان اولموش
اؤز وصلتونله دللره ویر صفا مولا
..
..
..
..
..
سن اکبرین جانی بیزی ایلمه مأیوس
ایسته گلاق تا ایلیاق مرقدوندن بوس
حسرت قوشی تا اولماسین سینه ده محبوس
سن شاه عالمسن ولی بیز گدا مولا
..
..
..
..
..
عالمده قبرین حسرتی قلبیده قالمیش
تاب و توان و طاقتی قلبیدن آلمیش
یعنی فراق کربلا قلبه اود سالمیش
آخر نقدری هی دییاق کربلا مولا
..
..
..
..
..
مولا قسم ویرّوق سنی قولسوز عبّاسه
اهل حرم سرداری اول مفخر ناسه
بیر اربعین دعوت ایله تا گلاق پاسه
صحن سرا ایچره دوتاق بیز عزا مولا
..
..
..
..
..
آی کربلا سنده آخور باصفا اول سو
اولموش قوناقیوه ولی بی وفا اول سو
ایسلاتمادى اصغر لبین حیف اولا اول سو
لب تشنه ئولدی اصغر مه لقا مولا
..
..
..
..
..
چاتمیر «رضوی» اللرین مرقد پاکه
چخمش فراقنده اودی نالم افلاکه
قانلی گوزونله باخ ئوزین سینه سی چاکه
بیمارینم مدت اولور ویر شفا مولا
..
..
..
..