زبانحال حضرت لیلی سلام الله علیها
برسربالین حضرت علی اکبر علیه السلام
.
#زبدةالاشعار
.
: @nohe_torki
.
#سبک_ای_آسمان_غمون
مشابه
.
مرحوم غلامعلی باقری الهامی ( هوشی تبریزی )
.
.
ای جسمی گل تک اولان قانیله احمر اوغول
گوزآچ فدا گوزیوه لیلای مضطر اوغول
آرام جانیم اویان روح روانیم اویان
قربان اولوم آدیوا شهزاده اکبراویان
.
واگیرها از #مصیبی_تبریزی
سودای دله باخدون
اولدوز تک نه تئز آخدون
یاندیردون منی یاخدون
علی جانم
.
ای تاج سر لیلا
وی بال و پر لیلا
سن سن دلبر لیلا
علی جانم
.
محبوب ازلی سن
لوح غم غزلی سن
لیلانین گوزلی سن
علی جانم
.
آرام دل لیلا
نور محفل لیلا
حل مشکل لیلا
علی جانم
.
.
حاشا جهان اولالی سن تک علی گل اولا
بوقاره زلف کیمی یا این که سنبلا اولا
لیلای غمزده تک شوریده بلبل اولا
سولدون گوروم که سولاگلشنده گلل اوغول
.
.
سوتک باشوندان آخوب رخساره خون ترون
قاندا خسوف ایلیوب بوعارض قمرون
تارایلیوب گوزومه دنیانی یوخ خبرون
ای برج حّسنده بیربد منّور اوغول
.
.
آچ قانلی گوزلرون ای جسم ایچره جانیم علی
گل نطقه بیرجه دانش روح وروانیم علی
اولموش آدون نجه گور ورد زبانین علی
لیلا فدا آدیوا شهزاده اکبراوغول
.
.
حسرت اوخیله اوغول بوسینمی دلرم
غمدن بیرنی دیمه عالمده دینجلرم
باشون دالینجا دوشوب شامه کیمی گیدر
اولسا جداده باشون یولّلاردارهبراوغول
.
.
بوجسمه شرم اِلَموب هرکس که یاره وروب
گرچه گوروب یارالی امّا دوباره وروب
نیزه قلج یاراسی گلمز شماره وروب
اوراق ایدوب بدنون قوستمگراوغول
.
.
هربیرآنانین اگرالدن جوانی گیده
زیبنده دوراونیله دیزده توانی گیده
یعنی منیم تک اوغول روح وروانی گیده
باجادی ناله ایده تا روزمحشر اوغول
.
.
مشتاق اولیدی بیری حسن پیمبره
ایلردی گُل یوزیوه ای نوردیده نظر
باخسین یرینده کیمه ایمدی بودیده سی تر
ای حُسنی آئینۀ حُسن پیمبراوغول
.
.
امیدیویله سنون عالمده خوش دلیدیم
مهرو وفا وه علی صد قیله قائلیدیم
قانه بویانما قیوابوچولده مائیلیدیم
یتدیم مرام دله ایمدی دلاوراوغول
.
.
صد چاک پیکریوه هردم که من باخارام
یاندورّام آهیمیله عالملری یاخارام
آخدوقجا خون ترون آغ زلفومه یاخارام
قانیله خوش بویارام آغ زلفی یکسراوغول
.
.
لاله کیمی بویانوب قانه بوگل بدنون
قانیله خوش بزنوب اگنینده آغ کفنون
هریاره بیرگل آچوب گل پیکرونده سنون
گلزاریله بدنون اولموش برابراوغول
.
.
گرچه عذاره در اشک تری دوزرم
سن تک ذبیحدن ال بوچولده من اوزرم
عشق عالمینده گله هر نه بلا دوزرم
احسن وفامه دئیر سارا و هجر اوغول
.
.
هرگز بلانی اوغول آسان دیمه سانارام
پروانه تک شررشمع غمه یانارام
باخدوقجا پیکریوه دلدن الولانارام
گرآغلاسام اوجادان اولما مکدّر اوغول
.
.
ای حُسنی منظراولان ختم رسالتیله
(هوشی) گلوب قاپوزا امیّد حاجتیله
ایله توجّه اونا چشم عنایتیله
قویما قاپوزدان اولا مأیوس اونوکراوغول
.
.
#اکبریه_هوشی_تبریزی
#اکبریه_شهادت
#ای_جسمی_گل_تک_اولان_قانیله_احمر_اوغول
#ترکی
.
#زبدةالاشعار
.
: @nohe_torki
نظر دهید