عرض ارادت به امام حسین (ع)
.
✍️زبدة الاشعار✍️
?: @nohe_torki
.
مرحوم غمکش
.
مورم ضعیف درب سلیمانه گلمیشم
اشکیم آخار عذاره ذلیلانه گلمیشم
.
دردیم چوخالدی قلبیده یاندیردی سینمی
سوزان دلیله دردیمه درمانه گلمیشم
.
بیر سائلم ملول الی قوینوندا خونجگر
نالایقم ولی در احسانه گلمیشم
.
هانسی طبیبه گئتدیم ائدوب عجز چاره دن
نزد طبیب جمله طبیبانه گلمیشم
.
غمخوار گؤرمدیم اؤزومه روزگاریده
بی غمگسار و زار و غریبانه گلمیشم
.
یاز نوکر آدیمی آقا بو آستانه ده
نوکر اولام بو درگه سلطانه گلمیشم
.
وئرمور مجال گؤزلریمون اشکی آغلارام
قلبیم دؤنوبدی لاله کیمین قانه گلمیشم
.
یوخ آرزوی جنّت و رضوان بو قلبیده
عشق ایلرم کی روضۀ رضوانه گلمیشم
.
ذکریمدی یا حسین گئجه گوندوز غریب آقام
هر یئرده گورموشم من عزاخانه گلمیشم
.
نوحه دئیوب فغان ائدرم ناله ایلرم
بزم عزای شاه شهیدانه گلمیشم
.
درد و غموندی مونسیم هر لحظه #یاحسین
دائم جهان اولوب منه غمخانه گلمیشم
.
بیر عمر گلمیشم سنه عرض ارادته
عمروم چاتوبدی باشه داخی جانه گلمیشم
.
بیر یولدا قبریده سن آقا باشیم اوسته گل
باش چئکمگه دئ نوکر نالانه گلمیشم
.
گلسون آقا او قبر اولار «غمکشه» بهشت
اوردا دئ نوکریمدی بو، احسانه گلمیشم
.
#حسینیه_مدح
#ورود_محرم #غمکش
#مورم_ضعیف_درب_سلیمانه_گلمیشم
#نوحه_های_محرم_غمکش
#ترکی
.
✍️ #زبدةالاشعار ✍️
?: @nohe_torki
نظر دهید