«یاسیدالاُمم»
.
.
تیموری اردبیلی
.
.
ای جلوه ی جمالی وئرن کایناته نور
شهر مدینه دن ائلین عالمه ظهور
.
سن سن تمام عالمه مولای مهربان
رونق تاپوب جهاندا وجودونله هرامور
.
کیمدور چاتا سنون کیمی مولا بومنصبه
خلاق ذولجلاله اولا روز و شب شکور
.
مسند نشین دولت حق سن مقامیده
درک ایلمز کمالوی هر فاقد شعور
.
ازبس خدا ائدوبدی سنی منبع کمال
علت اودور وجود شریفونده یوخ غرور
.
انشادائدم جلالووی ممکن دگل منه
توصیف ائدم مقامووی مندن اولار قصور
.
روشن ائدوبدی عالمی انوار صورتون
سال نورووی اورکلره یا بنده ی غفور
.
اولسا سیزون ولایتوزون کیمسه منکری
عاقل دگل یقین اولوب انصافیدن به دور
.
منده بو آستانه ده قیرخ ایل دولانمیشام
عشقیله محضروزده سیزون تاپموشام حضور
.
ای شهر عشقی جنت الاعلایه دوندرن
عشق عالمینده عالمه عشقون وئروبدی شور
.
قربان اولوم مقامووه یا سید الاُمم
اولدوم بوآستان شرافتده ذی شعور
.
سندن اگرچی اذن خدا حاصل اولماسا
تیموری ده ائده نمییجک دوز یولی عبور
.
علی تیموری
#پیامبراسلام_مبعث #زبدةالاشعار #ترکی#علی_تیموری #پیامبراسلام_مدح
نظر دهید