تنور خولی
.
✍️ #زبدةالاشعار ✍️
.
🆔: @nohe_torki
.
مرحوم ثریا تبریزی
.
گدای عشق که سلطان تخت لولادور
طریق حقده فنا فی الله اولسا اولادور
.
نشان و تاجینی دشمن سویوب قلجلاریلان
بصیرت اهلی گورر بی بصیرت اعمادور
.
او گوز که آینه ده عکس یاری درک ایتمز
یقین او گوزده و یا دلده لکّه پیدادور
.
همان او لکّه دی فرعونی قویدی حیرتده
مقام جنگده سویلردی جلد موسادور
.
او جلده بیرده گیروب شمر کربلایه گلوب
ولی بولوردی حسینی کلیمه والادور
.
امام رتبه سی مافوقدور نبوّتدن
به غیر ذات محمّد که شأنی والادور
.
او آهنی که قبول ایتدی شمره خنجر اولا
اودا او جلده گیروب قاتل مصفّادور
.
کسوب حسین باشینی شمرین اللرین بویادی
دئدی بو امره بولون شمر دون مهیادور
.
گناهی شمر ایلیوب خنجرین نه شرکتی وار
بو امره شاهد عادل بساط عقبادور
.
توکنده قانینی آغلاردی خنجرین اوجی قان
اگر چه شمره بو قان آغلاماق گوارادور
.
حیا ایدردی قاباقدان کسه قباق باشینی
گورردی باشین آچان باشی اوسته زهرادور
.
حسینی سالدیروب علت اودی یوزی اوسته
علاجی یوخدی گوروب شمر بی مهابادور
.
حسینون آلنینا خنجر اوزی یازوب قاندان
شهید دیندی بو شه منشأ هدینادور
.
نجه روادی هدینا باشی کول اوسته یاتا
بو ظلمه واله و حیران تمام دنیادور
.
گورون نه سسدی گلور خولینون تنوریندن
صدای حضرت مریمدی صوت حوّادور
.
بو سس جگر یارالور اوزگه بیر سسه بنزر
گمان قنادی سنان عندلیب شیدادور
.
که یعنی فاطمه دور زلفی تک پریشانحال
دیر حسین بو نه منزلدی بو نه مأوادور
.
بو یر تنور دگل بزم راز جاناندور
بو یر تجلّی یزداندی طور سینادور
.
دگوب او قانلی دوداقلار او دمده بیر بیرینه
گورن دیردی لب حضرت مسیحادور
.
بو بزم رازه دئدی خوش گلوب صفا گتدون
محبّتون آناجان ظاهر و هویدادور
.
اؤزوم بونی بولورم منزلیم محقّردور
ولی سنون نظریوه عزیز و اعلادور
.
لیاقت اولسا کول اوستونده کی کسیک باشدا
سنون قدملرون آلتدا ذبیح آسادور
.
سبب ندور آناجان ساچلارون باتوب قانه
فغانیله آغاران زلفون ایمدی حمرادور
.
بویوردی فاطمه بو قان سنون قانوندور اوغول
یوزوم گوزوم بدنیم اللریم مُحنادور
.
گلوردوم ایمدی یولوم دوشدی قتلگاهه طرف
او یرده گوردوم اؤزوم شور حشر برپادور
.
پوزوبلا نقشه سینی جسموون نماسی قالوب
دئدیم خدا بو نه ترکیب دور نه ایمادور
.
منیم یانیمدا گلوب ساربان الون کسدی
بو غصه شرحی مفصّل بیانی دریادور
.
گزردیم اوردا چوخور یرده بیر بدن گوردوم
نه تک باشی کسیلوب قطعه قطعه اعضادور
.
همان او قاندی دوتوب الده زلفیمه یاخدیم
دئدیم قوناق گیدنون عطر زلفی زیبادور
.
تنور خولیه عشقون منی قوناق گتدی
خجالت اولما کول اوستی حریر و دیبادور
.
نقدر قالسان اوغول بوردا منده چوخ گورّم
بو بزمدن دیگوروم هانسی یر دل آرادور
.
دئدی آنا بولوسن سرّینی شهادتیمون
اگر چه بعضیلره بیر بیوک معمادور
.
سَنان سحر باشیمی گون کیمی جدایه وورار
گورن دییر چکیلن دار عشقه عیسادور
.
باشیم یانینجا جوانلار باشی گئدر شامه
یزید مجلسینه تحفه دور هدایادور
.
گئدنده شامه ازل دیر اولور منه منزل
باشیم او یرده آنا نسخ دین ترسادور
.
کشیشلر هاموسی دینیمی قبول ایلر
ایشقلانان بو جمالیم کیمی کلیسادور
.
یزید مجلسینون واردی اوزگه بیر ذوقی
بولر بو ذوقی او کس درس عشقه دارادور
.
ووراندا لبلریمه چوب خیزرانی یزید
توکن سرشکینی زینب باجیمدی لیلادور
.
همان او حالتیم جاثلیقی یاندیراجاق
ئولن یانمیدا نمایندۀ نصارادور
.
همین قضیه نی بزم عزاده خوش اوخویان
عماد دن ایشیدوب ذکر ایدن «ثریادور»
.
شفاعتونده «ثریانون» ای آنا گوزی وار
ایشی بکادی تباکادی یا که ابکادور
.
.
#تنورخولی_ثریا_تبریزی
#گدای_عشق_که_سلطان_تخت_لولادور
#ترکی
.
✍️ #زبدةالاشعار ✍️
.
🆔: @nohe_torki
نظر دهید