ای جلوه سی افلاکه اولان شوق تجسُّم #17ربیع_بیدقداری

در مدح و میلاد حضرت خاتم الانبیا (ص)
.
زبدة الاشعار
.
: @nohe_torki
.
حاج داود بیدق داری
.
ای جلوه سی افلاکه اولان شوق تجسُّم
ای باشینه هردم دولانان طارم هفتم
.
گویلرده آدی احمد اولان یئرده محمد
عشقینده منظَّم دولانان ماهیله انجُم
.
فیّاض وجودوندی سبب فیض حیاته
آدم سنون عشقوندن آلوب تاج تَکَرُّم
.
اثبات اولونوب منظر اعلاده مقامون
لولاکه ووروب دست خدا مهر تَقَدُّم
.
دست ازلی مرتبه وی صادر ائدنده
سردفتر ایجاده یازوب مطلع یکُّم
.
میلادیوه خاطر سوونور عالم امکان
ذرات ائلیور مدحیوی هنگام ترنُّم
.
ای نقطه ی پرگار وجود عالمه گلدون
بو دایر ه ده دایر اولوب خوان تنعُّم
.
جان گلشنینون سویگلوسن عطریوه قربان
لبخندیوه خاطر ائلیور لاله تبسُّم
.
زلفونده پریشانلیق اولوب مایه ی صنعت
صنعتگریکتا وئروب افلاکه تنظُّم
.
تا خُلق عظیم اولدی سنون شانیوه صادر
عرش ایلدی بو مرتبه دن کسب تعظُّم
.
ای منشاء دیوان عدالت نظر ایله
لطفوندی وئرن بیزلره امکان تظلُّم
.
بیرعده ئولور تا دیریله عده ی دیگر
چوخ یئرده فغاندور توکولور توپراقا مردُم
.
اذن اولسا اگر صاحب عصرین ئوزی گلسه
دریای عدالت ائدر عالمده تلاطُم
.
.
#17ربیع
#ای_جلوه_سی_افلاکه_اولان_شوق_تجسم
#بیدقداری
#ترکی
.
#زبدةالاشعار
.
: @nohe_torki