میلاد امام حسین (ع)
گریز به شام غریبان
.
.
.
مرحوم حاج علی اکبر مارالانی نوحه خوان
.
مدینه شهری اوّلده پیمبرله صفا تاپدی
ایدوب ترویج اسلامی عجب محکم بنا تاپدی
.
اون ایل ظرفینده دنیانی مسخّسر ایلدی اسلام
هامو اطراف عالمده بو شهرت برملا ناپدی
.
گلوردی هر طرفدن کیم گوره کیمدور بو پیغمبر
ایشیتدی بعضی آیاتی دلی راه هدا تاپدی
.
محبت دولدوروب الله قلوب اهل ایمانه
ارادت یوللارین طی ایتدیقجا چوخ وفا تاپدی
.
یر اهلی یرده گویلرده هامی جنت ده هر یرده
او که الله تانوردی حقّه یول صبح و مسا تاپدی
.
رسالتدن ، ولایتدن او که محظوظ اولان اولدی
قالوردی پنج تندن بیر نفر وقت اقتضا تاپدی
.
حسین بن علی دنیانی روشن ایلین دمده
هامی ئوز مشکلین حل ائتماقا مشکل گشا تاپدی
.
ملائک دسته به دسته گلوردی عرض تبریکه
رسول الله ایوینده نوری تا گوردی لقا تاپدی
.
اوزون مدت گرفتار اولدی فطرس تا بو گون اولدی
صدای جبرئیلی تا ایشتدی بیر رَجا تاپدی
.
دیدی جبریله ، یوخسا حشر اولوبدی بو نه عالمدور
منی بیر ترک اُوُلا سندیروب روحیم اَذا تاپدی
.
بویوردی فطرسه جبریل ، حیّ لم یزل لطفا
حسینی لطف ایدوب پیغمبره ، عالم صفا تاپدی
.
ملائک بیر به بیر نازل اولور گویدن یره الان
پیمبر دودمانینده گیدوب عزت تاپا تاپدی
.
دیدی وئرّم قسم بو تازه مولوده سنی تاری
اپار ایلوم زیارت شهپریم بلکه شفا تاپدی
.
قسم یاد ایلدی جبریل گَتدی فطرسی فی الحال
اجازه ایستدی رخصت ویریلدی تا لقا تاپدی
.
بویوردی جدّی پیغمبر ، حسینه شهپرین سورتسون
اولوب دلشاد فطرس دردینه یاخشی دوا تاپدی
.
یانان شهپرلرین سورتدی تاپوب پر ایلدی پرواز
دولاندی باشینه گوردی سعادت مطلقا تاپدی
.
ازل بیر تهنیت پیغمبره عرض ایلدی بعداً
دیدی اللهه شکر اولسون مقامیم ارتقا تاپدی
.
اوچوب گویلرده فخر ائتدی حسینون امتیازیندن
دیردی من کیمی آفاقده کیم اعتلا تاپدی
.
خلاصه هر گلن گلدی زیارت ایلین گیتدی
زیارت فیضین آلدی هر ملک ایش مُنتها تاپدی
.
اولار که حامل عرش الهیدی ایدوبلر عرض
ملک لر بیزلره رجحان خدایا برملا ناپدی
.
بیزی محروم قویما فیضدن یا قاضی الحاجات
اجازه وئر گیداخ اما جواباً حرف لا تاپدی
.
حسین گلسون گرک عرشه وئره زینت قماطیله
گیدوب جبریل گتدی خاتمه ایش جابجا تاپدی
.
#گریز
#تنور_خولی
.
حسین باشی بو عزّتده بو شوکتده ولادتده
شهادتین صورا اما باشی چوخ چوخ بلا تاپدی
.
جهاندا گورمیوب گورمز نقدری تا بو دنیا وار
قوناقچی استراحتده قوناق کول متکا تاپدی
.
عجب نامردیمیش خولی یارایه کول دوا اولماز
تنور ایچره کول اوستونده جمالی اختفا تاپدی
.
قضادن نصف شب خولی عیالی خوابدن دوردی
چخوب صحن سراده لیک آیری ماجرا تایدی
.
گوروب مطبخ چرغاندور فضایه نور ساطعدور
گلوب گورسون نه واردی ، مطبخی دارالعزا تاپدی
.
نچه قوش بیر باشین اطرافینی آلموش سیزیلدوللار
ایشیتدی وا حسینا ناله سین بانگ نوا تاپدی
.
قالوب مبهوت و حیران گوردی گویدن گلدی بیر هودج
نزول ائتدی یارالی بیر بالانی بیر آنا تاپدی
.
خمیده قدّیله گوتدی او باشی سینیه آلدی
اؤپوب ایگلردی رقّت ، هم آناسی هم بالا تاپدی
.
او هودج ایچره دؤرد عورت واریدی آلدیلار بیر بیر
زیارت ائتدیلر آخر هامو حال بُکا تاپدی
.
خانم زهرا دیله گلدی دیدی یورقون بالام لای لای
سنون تک هانسی مظلومی بیله دست جفا تاپدی
.
اون ایکی یاره بیر باشدا بدن زخمی سانا گلمز
آخوب قان ایسلادوب توپراق شرافت کربلا تاپدی
.
بابان پیغمبر اکرم حسن ده هم عم اوغلومدا
آنان زهرائیله جسمون ذبیحاً من قفا تاپدی
.
اوغول قارداشلارون نولدی جوان اوغلون هایاندایدی
گلوب یاره ووروب هر بیر یتن جسمون یارا تاپدی
.
سنی اون ایکی مین نامه یازوب دعوت ائدن کسلر
وئروبلر خولیه آخر او حرمتلر هَبا تاپدی
.
دیر خولی عیالی ایستدی هودج عروج ائتسون
بویوردی فاطمه ، عورت عجب قلبون ضیا تاپدی
.
متیم بوینومدا حقّون وار ایوین آباد من گیتدیم
حسینه کیم عزا دوتسا سعادت بر ملا تاپدی
.
نقدری واردی بو عالم عزا کیم ساخلاسا مطلق
قیامتده گورر یاسلی عم اوغلوم مرتضا تاپدی
.
شفاعت ایلروخ روز جزا منده عم اوغلومدا
حسینون نوکرین اولماز گورَن قهر خدا تاپدی
.
تمام اون گوندی یا زهرا مجرّد حبیده خوارم
سنی اوغلون حسین لطف ائت گوروم حبس انتها تاپدی
.
حسینه نوحه خوانم «اکبر» آدلی اشتهاریم وار
منى شکر ایلرم دین اوسته بیله ابتلا تاپدی
.
.
#حسینیه_نوحه_خوان
#حسینیه_میلادیه
#مدینه_شهری_اولده_پیمبرله_صفا_تاپدی
#ترکی
.
.
نظر دهید