زبدةالاشعار

خوش گلموسن بو ئولکیه ای خوش قدم قوناق #حضرت_معصومه_سیدبشیرحسینی

خوش قدم قوناق
.
✍️ زبدة الاشعار ✍️
.
🆔: @nohe_torki
.
سید بشیر حسینی میانجی
.
خوش گلموسن بو ئولکیه ای خوش قدم قوناق!
باشدان باشا قم اولدی سنیله حرم، قوناق!
.
(همسایه سایه ات به سرم مستدام باد) (1)
کولگون باشیمدان اولماسین عمریمجه کم، قوناق!
.
شهر قما گلن گونووی بیز اونوتماروق
واجبدی حُرمتون بیزه ای محترم قوناق!
.
سندن قاباق کویریدی بو گورملی دیار
گولّندی سن گلنده بو یئر دمبدم قوناق!
.
چوخ گورمشوق کرامتیوی بیز بو شهریده
سن سن کریمه عترته، ای ذوالکرم قوناق!
.
از بس گوزلدی گنبد و گلدسته و ضریح
دوشمز بو یئرده یادمه باغ ارم، قوناق!
.
پیغمبرین قیزیل گولونون عطری سنده وار
ای هر جهتدن حضرت زهرا شِیَم قوناق!
.
شاهلار گدا کیمی باش اگور آستانه وه
قاف کرامت اوسته ووروبسان علَم قوناق!
.
عفو ائت قوناق دئدیم سنه، سن ائو صاحابی سان
هم ائو صاحابی سان بیزه بو یئرده هم قوناق
.
هاردا سنون کیمی قوناق تاپیلار میزبان اولا
حاشا تاپیلسین، آدیوه اولسون قسم قوناق!
.
عرض ایلروق رضا باجیسی! اشفعی لنا
ای قارداشین یولوندا اولان قدّی خم قوناق!
.
قم اهلینون قوناقی غم و غصّه چوخ گوروب
یارب! گوروم کی گورمه سین هئچ درد و غم قوناق
.
چوخداندی کی گویرچین اولوب قان اولان اورَک
گویلوم چوخ ایستیور حرمه چوخ گلَم قوناق
.
عمرون آز اولدی گول کیمی، دردون یازان زمان
دفتر سیزیلدار آهیله، آغلار قلم، قوناق!
.
دامجی دنیزی وصف ائده بیلسون محالدور
بیر نمدی شعریم ای شرف و شأنی یم قوناق!
.
«سیّدبشیر»ین عرضی بودور گل عنایت ائت
اوزگه دیاره قویما بو قومدان گئدم، قوناق!
.
(1) مصرع داخل پرانتز از سید حمید رضا #برقعی
.
.
.
#حضرت_معصومه_ورود_قم
#23ربیع
#خوش_گلموسن_بو_ئولکیه_ای_خوش_قدم_قوناق
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ماه ذیحجه عجب لطفون نمایان ایلدی #الهادی_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی