ای جماعت من حسین جدیم رسول الله دور #حسینیه_بیضا_اردبیلی

اتمام حجت امام حسین با لشکر کوفه
..
..
..
مرحوم بیضا اردبیلی
..
..
..
ای جماعت من حسین جدّیم رسول الله دور
ناطق قران آتام ثانی خلیل الله دور
..
..
..
رونق دینم امامم عرشیدن اعلا منم
باعث ایجاد خلقم علمده دریا منم
چون ذبیح کربلا و معشر و منا منم
بو سببدندور حسینین قانی ثاراللهیدور
..
..
..
دور ایدر اجرام علوی انجم و اختر مدام
بیر وجوده بسته دور موجود کل خاص و عام
من لسان الله ناطق وارث خیر الانام
طوریده تعلیم آلان مندن کلیم اللهیدور
..
..
..
باغلیوبسوز بو فراتی تشنه دور آل عبا
ایلیولّر خیمه لرده ناله و شور و نوا
بیرجه جرعه سو ویرون سیز ای گروه اشقیا
سیز بلورسوز آل احمد جمله آل اللهیدور
..
..
..
اولمیون مانع منه تا یثربه ایمدی گیدیم
ئولدوروبسوز یاور و یاریم منیم گریان گیدیم
اصغریم اوخلاندی تشنه با غم و افغان گیدیم
روضۀ جدّیم بیمبر مثل بیت اللهیدور
..
..
..
یا ویرون یول عزم ایدیم روم و فرنگ و زنگه من
دوشموشم وحدتدن اوتری کربلاده تنگه من
گلمدیم بو سرزمینه سیزلریله جنگه من
بو سوزه شاهد خدادور مطلبه آگاهیدور
..
..
..
ای جماعت کربلا کوه منادور من خلیل
راه عشقیمده بو قانی ایتموشم سو تک سبیل
ایتموشم عهد و وفا من اولموشام عشقه دلیل
مست صهبای الستم عهدیم عهد اللهیدور
..
..
..
بیر طرفده عون و فضل و جعفریم آلقان اولوب
بیر طرف عباس و اکبر قانینه غلطان اولوب
بیر طرف اصحاب و یاریم قانینه الوان اولوب
سویلیون واردور جوابوز بو نه رسم و راهیدور
..
..
..
ال چکون مندن منم اسرار حقّین مخزنی
من رموز عشقه دارایم تانورسوز سیز منی
اولمیون راضی خزان اولسون پیمبر گلشنی
بو حسین مست حقیقت هم فنا فی اللهیدور
..
..
..
راضیم تعجیلیله ظاهر اولا اسرار حق
شرحه شرحه بیکریم باشیم جداده چون ورق
آغلیور «بیضا» عزاداره ویرور نظم و نسق
دلده ذکری واحسینا ذکری ال الهیدور
..
..
..
#حسینیه #بیضا_اردبیلی #حسینیه_شجاعت #حسینیه_شهادت #ترکی #قتلگاه #زبدةالاشعار