زبدةالاشعار

ای جمالی مرآت ذات حق وی ولی سبحان عم اوغلی جان #فاطمیه_لاادری

زبانحال حضرت زهرا (س)
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
شاعر ؟؟؟
.
ای جمالی مرآت ذات حق
وی ولی سبحان عم اوغلی جان
گُل اوزوندن انوار حق اولور
گون کیمی نمایان عم اوغلی جان
.
.
گرچه سخت دور یاره،یاردن
آیریلا، دیله اود سالار بو غم
چاره یوخ بو درده،یانا یانا
توکمه اشکیوی ای شه امم
فرض ایله بو ائوده قوناقیدیم
نئچه گون سنه ایستیرم گئدم
آغلاما یولا سال قوناقیوی
ائتمه آه و افغان عم اوغلی جان
.
.
من بو ائوده دورد گل بویوتموشم
گوز گوتورمه دورد نور عین دن
دوردوده بالام دور منیم ولی
چوخ مواظب اول بو حسین دن
نازیلن بونی من بویوتموشم
گوز، گوتورمه بوندان عم اوغلی جان
.
.
درگهیم یاناندان مریض اولوب
گوز یاشین بو رخساره باغلیرام
هر فریضه ده ایستیرم ئولوم
بس که غم چکیب سینه داغلیرام
کیم بو نوعیله زندگی ایدر
سن بو ایوده من چولده آغلیرام
ایوده قالماقون ئولدورر منی
باغریمی ایدر قان عم اوغلی جان
.
.
توکمه اشگ حسرت جمالیوین
پوزما نقشه سین تاب ایدنمورم
گویلوم ایستیر اشگین سیلم قولوم
زخمداریدور ترپدنمورم
حقیوی آلاردیم خلیفه دن
نیلیوم دوروب یول گیدنمیرم
جانیمی آلیب غصه حیف اولا
دوشموشم ایاقدان عم اوغلی جان
.
.
عاشق ولایتدی فاطمه
صحبت فدک بیر بهانه دی
حق سنونکیدی غصب ایدیبدیلر
شاهدیم یانان آستانه دی
گر حقون گیدیب گیتمز عزتون
شوکتون سنون جاودانه دی
سنله اولموشام منده صاحب
عزت فراوان عم اوغلی جان
.
.
سنله عالم عالمدی عالمی
سرنگون ایدللر سن اولماسان
سنله دور ایدر گویده مهر و ماه
دوریدن دوشللر سن اولماسان
بولمور اول و ثانی عمرینون
دفترین بوکللر سن اولماسان
سنله هر یارانمش نفس چکیر
کافر و مسلمان عم اوغلی جان
.
.
گرچه رشک ایدر شانیمه منیم
مریمیله سارا ولیک من
سنله ایلرم فخر عالمه
ای بو عالمه آبرو ویرن
سنله اولماقین بیر دقیقه سین
ایتمرم عوض مین بهشتیلن
بیر دم وصالوندا وار سنون
مین صفای رضوان عم اوغلی جان
.
.
ای ولی خلاق ماسوی
ماسوادن افضل فضیلتون
ماسوایه فخر ایلرم منیم
یاریم اولدی بو عشق دولتون
مینلر عالمه ویرمرم سنون
دیلده کی بو عشق و محبتون
مینلر عالمی نینیرم خوشام
عشقویله هر آن عم اوغلی جان
.
.
ذره ذره اعضای پیکریم
ذکر ائدر دمادم دییر علی
قلبیم اللریم گوزلریم دیلیم
هر نفسده باهم دییر علی
رمز اسم اعظم آدوندا وار
آدمیله عالم دییر علی
عالمیله آدم فدا بله
جاه و طمطراقه عمواوغلی جان
.
.
غم یمه فدک باغی غصب اولوب
باغ جنته زینت آرتوران
نینیرم فدک باغین عشقوین
مبتلاسیم ای شه جهان
بیر توکونله مینلر فدک باغین
ایتمرم عوض ای گل جنان
نه فدک بو عالم سنه فدا
ای بو عالمه جان عم اوغلی جان
.
.
.
.
#فاطمیه_شهادت
#ای_جمالی_مرآت_ذات_حق
#لاادری
#ترکی
.
.

متن پیشنهادی:  گل ابوالفضلیم هرایه غارته ال آچدی لشگر #غارت_خیام #ستوده_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی