ای جمالی مظهر آیات نور #تنورخولی_خوندل_تبریزی

تنور خولی
زبانحال حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم حاج حیدر خوندل تبریزی
.
ای جمالی مظهر آیات نور
رشک طور اولموش جمالوندان تنور
.
.
سن گل گلزار طاها سن اوغول
مفخر فردوس اعلاسن اوغول
زینت آغوش زهراسن اوغول
کوللر اوسته تاپموسان فیض حضور
.
.
ظاهراً ای زینت عرش برین
اولموسان ظلمیله خاکسترنشین
باطناً اما گورر اهل یقین
بو تنوره فرش اولوب گیسوی حور
.
.
عرشه زینتدور بو باشون سایه سی
حیف اولوبدور مطبخون پیرایه سی
کیم تنور ایچره گوروب نور آیه سی
غبطه ایلر بو یره وادیِّ طور
.
.
نه تواضعدور اوغول ویردون نشان
بزم غیری ایلدون رشک جنان
عزّت نفسون فداسی بو آنان
ای آدی روحه روان قلبه سرور
.
.
تک نه اهلون ماسوانی آتموسان
خلوت وصل نگاره چاتموسان
نامناسب یرده راحت یاتموسان
یوخ گوزونده جنّت و حور و قصور
.
.
آچ گوزون انسیّۀ حورا گلوب
ساکنان عالم بالا گلوب
ای گوزوم نوری آنان زهرا گلوب
دلده آدون دلده محنت باشدا شور
.
.
آختاروب فیض وصالی گلمیشم
گورموشم جسمون یارالی گلمیشم
کربلادن ماجرالی گلمیشم
قویمادیم جسمون قوری یر اوسته عور
.
.
زلفومی ایتدیم کفن گلدیم اوغول
دلده گتدیم چوخ محن گلدیم اوغول
ساربانون گلدی من گلدیم اوغول
ایمدی بر پا ایلیوب شور نشور
.
.
شور زینبله دولوب دشت عراق
دود آهندن سالوب ماهه محاق
بیر یانان خیمه نشان احتراق
ایلیوب بر پا او چرخ حسنه خور
.
.
گوز یاشی گوزدن آخور اوز باشنه
مردمک جمع ایلیوب گوز یاشنه
باشسیز اطفالون یغوب اوز باشنه
معنی عشق ایلیوب اوردا ظهور
.
.
اولما «خوندل» دهرده اهل مجاز
اول تواضعدن جهاندا سرفراز
تا حسینی لقدا کسب ایت امتیاز
ائتمه قلبون مرکز کبر و غرور
.
.
.
.
#تنورخولی_خوندل_تبریزی
#ای_جمالی_مظهر_آیات_نور
#ترکی
.
✍️ #زبدةالاشعار ✍️
.
🆔: @nohe_torki