ای حسینی لر حسینون آنلیون منظورینی #حسینیه_کهنمویی

#پیام_نهضت_کربلا
.
.
.
مرحوم سید حسین کهنموئی( #ریاضی_تبریزی )
.
.
ای حسینی لر حسینون آنلیون منظورینی
گون کیمی باتدی اوزی آرتوردی دینون نورینی
.
.
قتلگاه کربلاده آچدی دانشگاه دین
اولدی قربان دین حقّه ایتدی قربانگاه دین
.
.
ایتمیون عادت یوزیله بزم دین تشکیلینی
ایلیون جدّیّتیله باطلین تعطیلینی
تا جوانلار ایلسون ناموس و دین تحصیلینی
ای حسینی لر حسینون آنلیون منظورینی
.
.
اورگشون ناموس و غیرت درسینی استاد دن
خلقه دین درسی ویرن آل چکمسین ارشاددن
عبد صالح خدمتین دنیا چخارتماز یا ددن
ای حسینی لر حسینون آنلیون منظورینی
.
.
ایتمیون غفلت گیدوب اگلشمیون بی اعتنا
صاحب دین و شریعت بو ایشه اولماز رضا
ای جوانلار هر گون عاشورادی هر یر کربلا
ای حسینی لر حسینون آنلیون منظورینی
.
.
روز عاشوراده ایتدی لشکره بیله خطاب
وارنه علّت قتلیمه بو نوعی ایلورسوز شتاب
روز محشر خالقه آیا واروزدیور نه جواب
ای حسینی لر حسینون آنلیون منظورینی
.
.
ایتدی فرمایش که ای صوری مسلمانلار بیلون
من پیمبر اوغلیم نا حق منی ئولدورمیون
مؤمنم من بو کتاب اللهیدی قرآن دور گورون
ای حسینی لر حسینون آنلیون منظورینی
.
.
ایتدی فرمایش که هاردا دینی بد نام ایتمیشم
کفره مایل اولموشام توهین اسلام ایتمیشم
دینده بدعت قویموشام تغییر احکام ایتمیشم
ای حسینی لر حسینون آنلیون منظورینی
.
.
هر کیم اسلامه ایده خدمت اولار منظور حق
دینه توهین ایلسه هر کس اودور منفور حق
دین و قرآن و شریعت نور حق دور نور حق
ای حسینی لر حسینون آنلیون منظورینی
.
.
نوریله ظلمت دگول زیبنده دوشادوش اولا
عاقبت رسوا ایدرحق هرکسی حق پوش اولا
حق ویروب وعده که قویماز نور حق خاموش اولا
ای حسینی لر حسینون آنلیون منظورینی
.
.
حقّی گورماخ قدرتی هر دیدۀ حق بینده دور
عزّت آختارسوز اگر بو مذهب و آئین ده دور
آبرو عزّت شرافت هر نه وادور دینده دور
ای حسینی لر حسینون آنلیون منظورینی
.
.
ای مسلمانلار تجاوز ایتمیون احکامیدن
درس عبرت اورگوشون بو گردش ایّامدن
دینوزی حفظ ایلیون آل چکمیون اسلامیدن
ای حسینی لر حسینون آنلیون منظورینی
.
.
(کهنموئی) قورتولورعمرون گجه گوندوزلرون
اولماسا عبرت عبث دور آغلاسا قان گوزلرون
یاز بو اشعاری قالا سندنصورا بو سوزلرون
ای حسینی لر حسینون آنلیون منظورینی
.
.
#پندیات #حسینیه
#حسینیه_مدح
#ای_حسینی_لر_حسینون_آنلیون_منظورینی
#ترکی
#زبدةالاشعار