زبدةالاشعار

دورما ای ساقی ملک رخسار #حسنیه_حسینیه_دلریش

حالات خط نوشتن حسنین (ع)
گریز به شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
دورما ای ساقی ملک رخسار
دور گتور دوره ساغر سرشار
.
وئر منه اول می محبّت دن
پاک اولا بو گوگلدہ کی زنگار
.
بادۀ ارغوانی وئر ساقی
تا چکوم باشه منده عاشق وار
.
منی تأخیره وورما ائتمه درنگ
طوطی طبع چون آچوب گفتار
.
ایلیوم بزم غیرت رضوان
بیر حدیث ایلیوم بودم اظهار
.
گوش ائدون بو حدیثه سرتاسر
ای محبّان حیدر کرار
.
بیر گونی اول دو گوشوارۀ عرش
گئتدیلر مکتبه به عزّ و وقار
.
شاه لب تشنیه امام حسن
دیدی ای پاک ذات و خوش کردار
.
گل یازاق خط بیر من و بیر سن
گستراق ای شفیع روز شمار
.
گورک هانسین دیرله بهتر دور
اولدی راضی حسین نیک شعار
.
یازدیلار خط، شوقیله او زمان
اول ایکی برگزیدۀ غفّار
.
گتدیلر خطی خوشدل و خندان
وئردیلر باخسون احمد مختار
.
دئدیلر باخ بو خطّه یا جدّا
بیزی سن انتظاردن قورتار
.
وئر جواب هانسی یاخشیدور بولارون
دئدی شوریله سیّد ابرار
.
آپارون شاه لافتی یانینا
سیزه تا حل اولا بو مشکل کار
.
گلدیلر خدمتینه اول شاهین
دئدیلر ای امام خورد و کبار
.
یازمیشوق خطّ بیز سن ایله نظر
دئگیلن هانسی یاخشیدور سردار
.
خطلره آلدى باخدی شاه نجف
دئدی اول عبد خالق جبار
.
سیز بو خطی وئرون بتوله نشان
او دئسون هانسی یاخشیدور بونلار
.
گلدیلر اوردان اول شبیر و شبر
فاطمه خدمتینه با دل زار
.
دئدیلر قالمیوبدی بیزده قرار
داخی ای بانوی خجسته شعار
.
سن بو خطّه نظاره ایله گیلن
بئله فرمایش ائتدی باب کبار
.
دئگیلن هر بیرینده وار نقصان
ایلیک تا سنه بو جانی نثار
.
آلدی زهرا باخوب بویوردی اوغول
قوی ائدیم من بو مطلبی اظهار
.
واردی بوینیمده بیرجه گردنبند
دوزیلوب اوتدا لؤلؤ شهوار
.
سپرم ایندی من او درّلری
یر یوزینه چو ثابت و سیار
.
هر کیم آرتوق گوتورسه اونلارون
اونون آرتوقدی خطّی بی گفتار
.
اولدیلر راضی سپدی درّلری
یره اول زوج حیدر کرّار
.
درّدن هر بیری اوچین گوتوروب
شوق و ذوقیله اول ایکی سردار
.
یرده قالدی بیری او درّلرین
بویوروب اوندا قادر غفّار
.
اوزیوی تئز یتور ایا جبریل
حسنین اولماسونلا زار و نزار
.
آرادان بؤل او درّی شهپریلن
اولاری ایله شاد و برخوردار
.
عرشیدن فرشه گلدی روح الامین
بولدی اول درّی مثل دانۀ تار
.
هر بیری گوتدی نصفین اول درّین
اولدیلار غصّه دن او دمده کنار
.
شیعه لر یاندی بو دل زاریم
اولمادی راضی قادر غفّار
.
که حسین و حسن اولا غمگین
توکه لر گوزیاشی چو ابر بهار
.
یادیمه دوشدی روز عاشورا
شاه لب تشنه لشگر کفّار
.
قیردیلار بیر به بیر کومک لرینی
گئتدى الدن مهاجر و انصار
.
قاسمون طوى لباسی اولدی کفن
سالدی باشه قرا عروس فکار
.
شبه پیغمبری نه ذلّتیلن
یتوروب قتله فرقۀ اشرار
.
گئتدی عباس آلا سکینیه سو
سالدیلار قوللارینی اهل نقار
.
قد رعناسی خاکیله یکسان
اولدی دوشدی حسیندن او کنار
.
تشنه لوقدن علی اصغر او گون
غش ائدوب خیمه ده او گل رخسار
.
گتدی میدانه اصغری شه دین
دیدی ای کوفیان کینه شعار
.
بیر ایچیم سو وئرون بو اصغره سیز
چوخ سوسوزدور بو غنچۀ بیخار
.
حرمله سالدى عالمه غوغا
گتوروب بیر خدنگ آتشبار
.
اصغرون حلقینی نشانه ائدوب
مصطفادن او دون ائتمدی عار
.
قورتولوب اوخ کمان حرمله دن
ایلیوب ناله مثل موصیغار
.
تا یتوب دگدی حلق اصغردن
ائتدى اول طفلی خوابدن بیدار
.
گوز آچوب باخدی چون حسینه طرف
بیر تبسّم ائدوب او طفل نزار
.
دئدی گویا شه شهیدانه
یاخشی سیراب اولدی اصغر زار
.
بوغازیندان چکوب اوخی او زمان
اصغرین اول حسین بی غمخوار
.
اوجینه دوتدی قانین اصغرینون
گوگه سپدی به دیدۀ خونبار
.
عرض ائدوب ساخلا سن بو قانی خدا
ایسترم من بو قانی روز شمار
.
گرک اول قانیله شفاعت ائدیم
امّت عاصیانه یوم قرار
.
ای خداوند قادر سبحان
به حق آه و نالۀ بیمار
.
نه قدر واردی مادح مولا
عفو قیل سن به حق هشت و چهار
.
جمله مطلب لرین روا ایله
بیله کیم اگلشوبدیلر حضّار
.
سیّما دلریش گنهکارون
نخل امّیدین ایلمه بی بار
.
ختم ائدون جمله فاتحه بو زمان
بِنَبیّ و آله الأطهار
.
.

متن پیشنهادی:  گیدرسن قیزیم کربلایه #فاطمیه_زلفی_تبریزی

.
.
#حسنیه_حسینیه_دلریش
#اصغریه_شهادت
#دورما_ای_ساقی_ملک_رخسار
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی