زبانحال زائر امام رضا علیه السلام
.
✍️ زبدة الاشعار ✍️
?: @nohe_torki
.
حاج اصغر فرشچی ( عدلی تبریزی)
.
ای حُجّت حق میر عرب شاه خراسان
زوّاریوام آقا منه ده ایله بیراحسان
.
.
.
ای خطّۀ ایرانه ویرن شأن و شرافت
زوّارون اولا کیمسه سنی ایتسه زیارت
احسان ایده سن سائلوه ایستسه حاجت
محشرگونی سنلن اولاجاق خلقه شفاعت
مولای جهان سرور دین سر وگلستان
زوّاریوام آقا منه ده ایله بیراحسان
.
.
.
جانلارسنه قربان که قاپون باب هدادی
اسموندی رضا جملۀ اسماء خدادی
درگاهیوه اولموش خدمه شاه وگدادی
زایرکه گلرطوسه بولرکرب و بلادی
ای ضامن آهوو غریب حافظ قرآن
زوّاریوام آقا منه ده ایله بیراحسان
.
.
.
زوّار گلرقبریوه سرّین دیر آغلار
اظهار ایلیر دردینی ه ردرده گرفتار
مشتاق اولی بیر باخماقوا یاور و دلدار
قالمازاونا گر لطفون اولا دردیدن آثار
ای عالمیانی ایدن اوزعشقینه حیران
زوّاریوام آقا منه ده ایله بیر احسان
.
.
.
حسرت چکرم بیرده مزارون ایلیم بوس
قبروندی بو قلبیمده منیم گوشۀ فردوس
امیدیمی حرمانه دونوب ایلمه مأیوس
احسان ایله قربان سنه ای پادشه طوس
ای وصلتی مشکل آچان ای دردلره درمان
زوّاریوام آقا منه ده ایله بیراحسان
.
.
.
ای طوسی ایدن خلد برین حُجّت یزدان
گتموبدی قاپوندان بیری مأیوس و پریشان
قربان گوزیوه باخ منه ایت دردیمه درمان
لطفوندی ایدن شاه و گدا قلبینی شادان
ای بحر عطا جود و کرم مظهر ایمان
زوّاریوام آقا منه ده ایله بیراحسان
.
.
.
شاها کرموندن منه محتاج عطا یم
کشکول امید قولدا سالوب دست به دُعایم
مشتاق زیارت سفرکرب و بلایم
جدّوندی حسین دینه فدا منده فدایم
ای جان جهان جانلارا جان مفخر ایران
زوّاریوام آقا منه ده ایله بیراحسان
.
.
.
ای خلقتی نور عرشه چاتان رتبه و جاهی
آدمدن ازل خلق اولونان نوری الهی
محشرگونی ای شیعه لرین پشت و پناهی
خادمدی سیزه «عدلی» اگر واردی گناهی
امید شفاعت واریدی شافع عصیان
محشرگونی قویما اولا حسرت گوزی گریان
.
.
.
#رضویه_مدح
#ای_حجت_حق_میر_عرب_شاه_خراسان
#عدلی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید