زبانحال علی (ع)بعد ازشهادت حضرت زهرا (س)
.
.
جعفر عباس نژاد
.
.
ای حیدرین نگار کمان قدی فاطمه
یوخدور ئورکده حسرتیمین حدی فاطمه
.
درد آلدی اختیاروی درمان تاپانمادیم
صبرین گرک بوغمده سنا سدی فاطمه
.
ایکاش علی ئولیدی ، جوان ئولدون عم قیزی
کیم درک ائدر بو محنت ممتدی فاطمه
.
سنسیزلیگین ملالینه تاب ایلیوم نجه ؟
هرلحظه دردیمین چوخالیر شدی فاطمه
.
بو آیریلیق علینی ائله بیقرار ائدیب
موت وحیات ایچینده مردد دی فاطمه
.
هجران کشیده قلبیمی غرق ایلیه ن غمون
دریا کیمیندی وار گئجه لر مدی فاطمه
.
قاره بولوط آیین که سالار لکه اوستونه
تصویر ائدر گوزوم گویره ن خدی فاطمه
حقون واریدی دشمنی عفو ائتمدون خانم
باعث بو افتراقه او نامرددی فاطمه
.
مغسلده حد ظلمینه آگاه ائدیب منی
گول صورتونده پنجه سینون ردی فاطمه
.
.
#فاطمیه #فاطمیه_شهادت #ترکی #زبدةالاشعار #جعفر_عباس_نژاد
#زبدةالاشعار 
: @nohe_torki . #سبک_ای_باشی_سرنیزده_معراج_ایدن . مرحوم حاج عبداله رضایی (غمکش) . مسکن اولوب گوشه ی زندان منه گل آنا دوت شام غریبان منه یاندی جگر داده گل لطفبیشتر
نظر دهید