زبدةالاشعار

بابا بیر مریضه قیزدا بو فراقه طاقت اولماز #خروج_مدینه_نادری

خروج از مدینه
زبانحال حضرت فاطمه صغری سلام الله علیها
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک

مشابه

.
مرحوم نادری میانجی
.
بابا بیر مریضه قیزدا
بو فراقه طاقت اولماز
سفر اوسته من مریضم
بِله که عیادت اولماز
.
.
.
نه سفردی بو ائشیتجک بابا تاجر غم اولدوم
سارالوبدی رنگ روئیم ائشیدوب دوباره سولدوم
قییدینجه سن سفردن بابا منده بلکه ئولدوم
داخی بیر صغیره قیزدان بِله بیر حمایت اولماز
.
.
.
بو مسافرت زمانین بابا سالگلان اوزاقه
ئولورم ز بس مریضم دؤزه بیلمرم فراقه
منی قوی مزاره گئتسون سورا گئتگیلن عراقه
منی قبره قویماسون سن منه هئچ سعادت اولماز
.
.
.
بُلوسن آنام که یوخدی اولا من مریضه یاور
نه عموم گلوب نه عمم نه سکینه نازلو خواهر
گوزومی قویوبدی یولدا باباجان وفاسیز اکبر
کیمه ناز ائدوم علیلم بِله که نظارت اولماز
.
.
.
بُلوسن آنام ئولوبدی بابا زار و بی نصیبم
سیزی گورمسم حقیقت بو وطنده من غریبم
نه انیس و مونسیم وار تب ایچینده بی طبیبم
بِله بیر فراقه منده بابا استقامت اولماز
.
.
.
ئورگیمده واردی نسگل نه مسافرتدی ناگاه
نه بلالی بیر قیز اولدوم کسیلور امیدیم الله
هامی سرّدن خدایا سن ئوزون اولورسان آگاه
آتا ، قارداشین الیندن سنه که شکایت اولماز
.
.
.
منی ئولدورر یقیناً علی اکبرون فراقی
دیورم خراب اولیدی او ولایت عراقی
داخی اکبرون طویوندان منه کیم وئرر سراقی
بو قدر خیال و غمدن منه استراحت اولماز
.
.
.
منی قویما بوردا یالقوز بابا جان آدامسیزام ئولَّم
سن ئوزون اجازه وئرسون بونی من وظیفه بُلَّم
اگر اولماسا کجاوه دوشرم پیاده گلَّم
منه اوندا درد و حسرت سنه ده خسارت اولماز
.
.
.
بُلورم منی چوخ ایستر بابا بلبل حزینه
بو سفرده هم سفردور منی دیندیرر سکینه
یولا قافله دوشنده اولی ناتوان مدینه
داخی کوچه میزده بیرده او گئچن حرارت اولماز
.
.
.
بِله غملی ماجرانی یازا « نادری » کتابه
ایکی بلبلی حسینون غمی گلموری حسابه
بیری چون وطن غریبی بیرینون یری خرابه
بِله گلشنین گولونده گُل آچوب طراوت اولماز
.
.
.
.
#حضرت_صغری
#بابا_بیر_مریضه_قیزدا_بو_فراقه_طاقت_اولماز
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  فتنۀ مرحبی سرکوب ایلدی شیر خدا #فاطمیه_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی